एजेन्सी । ब्राजिली युवा स्टार भिनिसियस जुनियरले स्पेनिस महारथी क्लब बार्सिलोनाको प्रस्ताव अस्विकार गर्दै रियल मड्रिड रोजेको खुलाएका छन् ।
दक्षिण अमेरिकी फुटबलका स्टार भिनिसियसले बार्सिलोनाको प्रस्ताव लत्याउँदै मनले रोजेको क्लबमा गएको खुलाएका हुन् ।
उनले सन् २०१७ मा बार्सालाई छाडेर चिरप्रतिद्वन्दी क्लब रियलमा अनुबन्धन भएका थिए ।
उनको १८ औ जन्म दिन अघि रियल र बार्सा दुवै क्लबले अनुबन्धनको प्रस्ताव गरेका थिए ।
उनको बुवाको सल्लाह अनुसार बार्सिलोनाको प्रस्तावलाई अस्विकार रियल गरेको समेत खुलाएका छन् ।
उनी ३८ मिलिनय पाउण्डमा रियलमा आएका थिए ।
एक स्पेनिस सञ्चार माध्यमलाई अन्तरवार्ता दिदै भिनियसले भनेका छन्, मलाई बार्सा र रियलले प्रस्ताव गरेका थिए । मेरो बुवाले मलाई रोज्नकालागि आग्रह गर्नुभयो । मैले मेरो ह्दयको क्लब रोजे ।
उनले गत सिजननै रियलमा प्रभाव जमाएका थिए । उनले सबै प्रतियोगितामा १० खेल खेल्दै एक गोल समेत गरेका थिए ।
भिनिसियसले रियल फरवार्ड करिम बेन्जिमासंग समेत बिशेष सम्बन्ध रहेको बताएका छन् ।
‘बेन्जिमासंग म बिशेष रुपमा जोडिएको पाउँछु ।’ उनले भने, ‘उनी सधै खेल अगाडी मसंग कुरा गर्छन् । उनले सधै मलाई राम्रो खेल्न प्रेरित गर्छन् ।’
