काठमाडौं। नेपाली राष्ट्रिय टोलीका डिफेन्सिभ मिडफिल्डर रोहित चन्दले इन्डोनेशियाली क्लब पर्सिक केडिरीसँग विदा लिएका छन्। क्लबले आधिकारिक रूपमा उनको प्रस्थानको पुष्टि गरेको छ।
लामो समयदेखि इन्डोनेशियामा खेल्दै आएका चन्दले पर्सिकमा आफ्नो यात्रा समाप्त गरेका हुन्। क्लबले विज्ञप्तिमार्फत धन्यवाद ज्ञापन गर्दै उनको भविष्यको सफलताको कामना गरेको छ।
३२ वर्षीय चन्द नेपाली फुटबल इतिहासकै सबैभन्दा चर्चित खेलाडीमध्ये एक हुन्। इन्डोनेशियाली लिगमा उत्कृष्ट प्रदर्शन गरेर उनले अन्तर्राष्ट्रिय स्तरमा सफल नेपाली खेलाडीको परिचय बनाएका छन्।
