बार्टीलाई डब्लूटीए फाइनल्सको उपाधि

एजेन्सी । विश्व नम्बर एक अष्ट्रेलियाकी एस्लेइघ बार्टीले डब्लूटीए फाइनल्स टेनिसको उपाधि जितेकी छिन् ।

चीनको शेनझेनमा आइतबार राति एलिना स्विटोलिनालाई हराउँदै बार्टीले डब्लूटीए फाइनल्सको उपाधि जितेकी हुन् ।

उपाधि जित्ने क्रममा बार्टीले स्विटोलिनालाई ६-४ र ६-३ ले पाखा लगाईन् । साविकको विजेता स्विटोलिना भने उपविजेतामा सिमित रहिन् । यस अघिको पाँच भेटमा भने स्विटोलिनाले बार्टीलाई हराएकी थिइन् ।

योसँगै बार्टीले ३.५३ मिलियन पाउण्ड पुरस्कार प्राप्त गरिन् ।