एजेन्सी । लिग वान क्लब अक्स्फोर्ड युनाइटेडले ३२ वर्षपछि लिग कप (काराबाओ कप) फुटबलको क्वाटरफाइनलमा स्थान बनाएको छ ।
मंगलबार राति सन्डरल्याण्डलाई पेनाल्टी सुटआउटमा ४-२ ले अक्स्फोर्डले ३२ वर्षपछि प्रतियोगिताको क्वाटरफाइनलमा स्थान बनाएको हो ।
यसअघि अक्स्फोर्डले सन् १९८७/८८ को सिजन क्वाटरफाइनलमा स्थान बनाएको थियो ।
अक्स्फोर्डको मैदानमा खेलको निर्धारित समय १-१ गोलको बराबरी भएपछि खेल पेनाल्टीमा गएको थियो । पेनाल्टीमा अक्फोर्डले बाजी मार्यो ।
अक्फोर्डका लागि जेम्स हेनरी, एन्थोनी फोर्ड, तारिक फोसु र जोन मौसिन्होले पेनाल्टीमा गोल गरे । सन्डरल्याण्डका म्याक्स पावर र लुके ओनिनले मात्र गोल गरे ।
पेनाल्टी अघि रोबर्ट हलले गोल गर्दै अक्स्फोर्डलाई अग्रता दिलाएका थिए । तर, मार्क म्याक नुल्टीले गोल गर्दै सन्डरल्याण्डलाई बराबरीमा ल्याएका थिए ।
