एजेन्सी । साविक विजेता पेरिस सेन्ट जर्मेन (पीएसजी) ले फराकिलो जित हात पारेको छ ।
आइतबार राति मार्सेलीलाई ४-० गोल अन्तरले पराजित गर्दै पीएसजीले फराकिलो जित निकालेको हो ।
घरेलु मैदानमा पीएसजीलाई जित दिलाउन माउरो इकार्डी र केलियन एमबाप्पेले दुई दुई गोल गरे । पीएसजीले चारै गोल पहिलो हाफमा गरेको थियो ।
खेलको १० औं मिनेटमा इकार्डीले गोल गर्दै पीएसजीलाई अग्रता दिलाए । खेलको २६ औं मिनेटमा इकार्डीले व्यक्तिगत दोस्रो गोल गर्दै पीएसजीलाई २-० को अग्रता दिलाए ।
३२ औं मिनेटमा एमबाप्पेले गोल गर्दै पीएसजीको अग्रता ३-० को बनाए । त्यसपछि खेलको ४४ औं मिनेटमा एमबाप्पेले व्यक्तिगत दोस्रो गोल गर्दै पीएसजीलाई ४-० को सहज जित दिलाए ।
जितसँगै पीएसजीले आफ्नो शीर्ष स्थानको अग्रता कायम राखेको छ । पीएसजीले ११ खेलबाट २७ अंक जोडेको छ र दोस्रो स्थानको नान्टेसमाथि ८ अंकको अग्रता बनाएको छ ।
पराजित मार्सेली १७ अंक जोडेर लिगको छैटौं स्थानमा छ ।
अर्को खेलमा रेनसले टोलीसोलाई ३-२ गोल अन्तरले पराजित गरेको छ ।
-1747226778.jpeg)
