काठमाडौं। न्युरोड टिम (एनआरटी) एन्फा महिला लिगको छनोटनजिक पुगेको छ।
च्यासल मैदानमा बुधबार सम्पन्न पाँचौं खेलमा बुटवल लुम्बिनी एफसीलाई २–० ले पराजित गरेको हो। एनआरटीको जितमा जुना तामाङ र प्रतीक्षा ठकुरीले गोल गरिन्।
६६औं मिनेटमा जुनाको गोलमार्फत एनआरटीले सुरुआती अग्रता लिएको थियो। ८४औं मिनेटमा प्रतीक्षाले अर्को गोल थप्दै जित पक्का गर्दिइन्।
योसँगै समूह ‘बी’ मा रहेको एनआरटीले ५ खेलबाट १२ अंक पुर्याएको छ। यो समूहमा १५ अंकसहित शीर्ष स्थानमा रहेको संकटा फुटबल क्लबले भने यसअघि नै महिला लिगमा स्थान बनाइसकेको छ।
पराजित बुटवल भने यसअघि नै प्रतियोगिताबाट बाहिरिइसकेको थियो। सबै ६ खेल खेलेको बुटवले ६ अंकसहित छनोट सक्काएको छ। अब एनआरटीले अन्तिम खेल संकटासँग खेल्नेछ। उक्त खेलमा जित हात पारेया बराबरी खेले महिला लिगमा छनोट हुनेछ।
एक खेल खेल्न बाँकी रहँदा ९ अंकसहित तेस्रो स्थानमा रहेको झापा एफसीले भने लम्की फुटबल एन्ड ट्रेनिङ सेन्टरलाई फराकिलो अन्तरले हराउनुपर्ने छ। नत्र महिला लिगमा छनोट हुन अर्को समूहको तेस्रो स्थानमा रहने टोलीसँग एक नकआउट खेल खेल्नुपर्नेछ।
