एजेन्सी । प्रिमियर लिग फुटबल आज (आईतबार) राति चार हुदैछ ।
दशौं चरणको खेलमा तीन ठुला क्लबहरु कठिन परिक्षाबाट गुज्रनेछन् ।
शीर्ष स्थानको लिभरपुलले टोटेनहमसंग प्रतिस्पर्धा गर्नेछ । चालु सिजनमा लय गुमाएको म्यान्चेष्टर युनाईटेडले नर्विच सिटीसंग प्रतिस्पर्धा गर्नेछ । लण्डन क्लब आर्सनलले घरेलु मैदानमा क्रिस्टल प्यालेसलाई आतिथ्यता प्रदान गर्नेछ ।
निकै महत्वपुर्ण खेलमा चालु सिजन खराब लयबाट गुज्रिरहेको टोटेनहमले शीर्ष स्थानको लिभरपुलसंग प्रतिस्पर्धा गर्न लागेको हो ।
अघिल्लो खेलमा युनाईटेडसग बराबरीमा रोकिएको लिभरपुल घरेलु मैदानमा टोटेनहमलाई स्वागत गर्नेछ । तर घरेलु टोली लिभरपुल टोटेनहमसंग डराउनुपर्ने खास कारण छ ।
टोटेनहमका फरवार्ड ह्यारी केनले प्रिमियर लिगका पछिल्ला नौ खेलमा लिभरपुलविरुद्व पाँच गोल गरेका छन् ।
अर्को महत्वपुर्ण बिषय लिभरपुललाई जस्तो टोटेनहमको खेलाडीमा कुनै नयाँ चोट देखिएको छैन ।
लिभरपुलका ट्रेन्ट अलेक्जेन्डर अर्नोल्ड बिरामबाट निको हुँदै मैदान फर्कदैछन् । जर्दान शाकिरी र जोएल माटिपले टोटेनहमविरुद्वको खेल गुमाउनेछन् ।
टोटनहमलाई ह्युगो लोरिसले अभाव खट्किन सक्नेछ ।
लिभरपुल ९ खेलबाट २५ अंक जोड्दै तालिकाको शीर्ष स्थानमा छ । टोटेनहम १२ अंक सहित तालिकाको दशौ स्थानमा छ ।
-1747226778.jpeg)
