एजेन्सी । युरोकप छनोट अन्तर्गत इंग्ल्याण्ड र चेक रिपब्लिकबीचको खेलमा हिंसात्मक गतिविधि गर्ने ३१ इंग्ल्याण्डका समर्थक पक्राउ परेका छन् ।
शुक्रबार राति इंग्ल्याण्ड चेक रिपब्लिकसँग २-१ ले पराजित भएपछि हिंसात्मक गतिविधि गर्ने इंग्ल्याण्डका समर्थकहरु पक्राउ परेका हुन् । चेक रिपब्लिक प्रहरीको अनुसार पक्राउ पर्ने १४ विदेशी नागरिक समेत रहेका छन् ।
मैदान बाहिर हिंसात्मक गतिविधि गरिरहेका इंग्ल्याण्ड समर्थकलाई पक्राउ गर्न प्रहरीले रबरको गोली समेत प्रहार गर्नु परेको थियो ।
रक्सीको नशामा रहेका उनीहरुले होहल्ला गर्दै रक्सीका बोतलहरु अन्धाधुन्ध प्रहार गर्दै हिंसा मच्चाएका थिए ।
