एजेन्सी । युरोपियन फुटबलको सर्वोच्च निकाय युईएफएले विभिन्न तीन संस्करणको च्याम्पियन्स लिगको फाइनल हुने रंगशाला तय गरेको छ ।
युईएफएले सन् २०२१, २०२२ र २०२३ को च्याम्पियन्स लिगको फाइनल हुने रंगशाला तय गरेको हो । मंगलबार बसेको युईएफएको बोर्ड बैठकले तीन संस्करणको फाइनल हुने रंगशाला तय गरेको हो ।
युईएफएले सन् २०२१ को फाइनल खेल रुसको सेन्ट पिटर्सवर्गमा गराउने निर्णय गरेको छ । यस्तै सन् २०२२ को च्याम्पियन्स लिगको फाइनल जर्मनीको एलिनाज रंगशालामा हुनेछ । त्यस्तै युईएफएले सन् २०२३ को च्याम्पियन्स लिगको फाइनल इंग्ल्याण्डको राष्ट्रिय रंगशाला वेम्बलीमा गराउने निर्णय गरेको छ ।
त्यसअघि सन् २०२० को फाइनल खेल भने टर्कीको स्तानबुलस्थित ओलम्पिक स्टेडियममा हुनेछ ।
यस्तै युईएफएले युरोपा लिगको फाइनल हुने रंगशाला समेत तय गरेको छ । सन् २०२१ को युरोपा लिगको फाइनल स्पेनिस क्लब सेभियाको मैदान रामोन सान्चेज पिजुयन स्टेडियममा हुनेछ ।
