एजेन्सी । च्याम्पियन्स लिग फुटलबमा आज (बुधबार) राति फ्रान्सेली क्लब पेरिस सेन्ट जर्मेन (पीएसजी) र रियल मड्रिडबीच प्रतिस्पर्धा हुदैछ । पीएसजीले घरेलु मैदानमा स्पेनिस महारथी रियल मड्रिडलाई आतिथ्यता प्रदान गर्न लागेका हो ।
युरोपेली क्लब फुटबलका दुई खर्चालु क्लब च्याम्पियन्स लिगको नयाँ सिजनकाे सुरुवातमै भिड्न लागेका हुन् ।
घरेलु मैदानमा रियल मड्रिडलाई आतिथ्यता प्रदान गर्दै गर्दा पीएसजीसंग मुख्य तीन स्टार खेलाडी हुने छैनन् । पीएसजी नेयमार, केलियन एम्बाप्पे र इडिन्सन काभानीबिनै मैदान उत्रनेछ ।
एम्बाप्पे र काभानी चोटका कारण मैदान बाहिर छन् । नेयमारमाथि युईएफएको दुई खेलको प्रतिबन्ध यथावत छ ।
पीएसजीले घरेलु मैदानमा एरिक चौपो मोटिङ र नयाँ अनुहार मौरो इकार्डीलाई रियलविरुद्वको खेलमा मैदानमा उतार्न सक्नेछ ।
'सबैलाई थाहा छ हामीसंग केही फरवार्ड हुने छैनन् । तर हामी बाँकी खेलाडीमाथि विश्वास गछौ ।' पीएसजीका प्रशिक्षक थोमस टुचेलले भने ।
चोटकै कारण पाहुना टोली रियललाई समेत पिरोलेको छ । उसका धेरै पहिलो रोजाईका खेलाडी पीएसजीविरुद्वको खेलमा हुने छैनन् । लुका मोड्रिच, ईस्को र मार्को एसेन्सियो चोटका कारण मैदान उत्रने छैनन् ।
नाचो र सर्जियो रामोस निलम्बनका कारण पीएसजीविरुद्वको खेलमा देखिने छैनन् ।
ईडेन हजार्डले रियलको जर्सीमा च्याम्पियन्स लिगमा डेब्यु गर्नेछन् । चोटकै कारण हजार्डले स्पेनिस लिगका सुरुवाती तीन खेल गुमाएका थिए ।
रियलका प्रशिक्षक जिनेदिन जिदानलाई निलम्बनपछि फर्किएका ग्यारेथ वेलको साथ भने रहनेछ ।
-1747226778.jpeg)
