एजेन्सी । बढ्दो उमेरसंगै पोर्चुगलका स्टार क्रिस्टियानो रोनाल्डोको प्रर्दशन समेत उच्च छ ।
बुधबार रातिमात्र रोनाल्डोले युरो छनोट अन्तर्गत लिथुनियाविरुद्व ह्याट्रिक सहित चार गोल गरे । योसंंगै पोर्चुगलको जर्सीमा रोनाल्डोले ४० देशविरुद्व गोल फर्कन सफल भएका छन् ।
साथै रोनाल्डो युरोपेली फुटबलमा देशका लागि सबैभन्दा धेरै गोल गर्ने खेलाडी बनेको छन् ।
उनले पोर्चुगलका लागि ९३ गोल गर्न सफल भएका छन् । यसअघि ईरानका अली देइले सबै भन्दा बढी १ सय ९ गोल गरेका छन् ।
रोनाल्डोको चार गोलमै पोर्चुगलले युरो छनोटमा लियुनियालाई ५–१ गोल अन्तरले हराएको थियो ।
रोनाल्डोले गोल गरेका देशमा होल्याण्ड, अजरवैजान, लात्भीया, ईस्टोनिया, रसिया, ईरान, लक्जेमवर्ग, स्विडेन, साउदी अरब, ग्रिक, बेल्जियम, अर्मेनिया, पोल्याण्ड, फिनल्याण्ड, डेनमार्क, ईक्वेडर, चेक रिपब्लिक, काजकिस्तान, साईप्रस, क्रोएसिया, अर्जेन्टिना र पानामा छन् ।
यस्तै, बोस्निया हर्जगोभिना, नर्दन आयरल्याण्ड, एन्डोरा, क्यामरुन, स्पेन, फारो आईसल्याण्ड, वेल्स, लिथुनिया, मोरक्को, इजिप्ट, न्युजिल्याण्ड, स्विटजरल्याण्ड, नर्थ कोरिया, आईसल्याण्ड, स्लोभाकिया, सर्बिया, घाना र हङ्गेरी रहेका छन् ।
अर्को रमाईलो पक्ष भनेको रोनाल्डोले क्लब र देशका लागि ५४ ह्याट्रिक गरेका छन् ।
जसमा १२ विभिन्न देशविरुद्व उनले ह्याट्रिक गरेका छन् ।
उनले लिथुनिया, पोर्चुगल, ईटाली, रुस, स्पेन, जापान, अर्मेनिया, स्विडेन, टर्की, नर्दन आयरल्याण्ड, नेदरल्याण्ड र ईङल्इाण्डविरुद्व ह्याट्रिक गरेका छन् ।
उनले विश्वकपका १७ खेलमा ७ गोल गरेका छन् । युरो कपका २१ खेलमा उनले ९ गोल गरेका छन् । उनकै कप्तानीमा पोर्चुगलले युरो कपको उपाधि उचालेको थियो ।
तर रोनाल्डोले पोर्चुगलबाट कुनैपनि ठुलो प्रतियोगिताको फाईनलमा गोल गर्न सकेको छैनन् ।
मंगलबारको ह्याट्रिक लगत्तै रोनाल्डोले भने, 'म निकै राम्रो समयमा छु । तर टिमले अझ राम्रो गरिरहेको छ ।'
'म यो समय निकै मज्जा अनुभव गरिरहेको छु । गोल गरेका कारणले मात्र हैन । पछिल्लो समय त्यही स्तरको प्रर्दशन गर्न पाएको छु ।'
'आगामी दिनमा सोत राष्ट्रिय टिममा सहयोग जारी राख्नेछु ।' उनले भने ।
