एजेन्सी । युरो कप छनोटमा फ्रान्सले एन्डोरालाई ३–० गोल अन्तरले हराएको छ । सोमबार राति भएको समुह एचको खेलमा फ्रान्सले एन्डोरालाई हराएको हो ।
खेलमा फ्रान्सेली फरवार्ड एन्टोनी ग्रिजम्यान पुन: पेनाल्टीमा चुकेका छन् । उनी अघिल्लो खेलमा पेनाल्टीमै गोल गर्न चुकेका थिए ।
उनले फ्रान्सका पछिल्लो दुई पेनाल्टी खेर फालेका छन् ।
किंग्सले कोमनले गोल गर्दै घरेलु टोलीलाई अग्रता दिलाएका थिए ।
ग्रिजम्यानको क्रसलाई सदुपयोग गर्दै बार्सिलोनाका सहकर्मी क्लेमेन्ट लेङ्लेटले ५२ औ मिनेटमा फ्रान्सको अग्रता दोब्बर पारे ।
विसम बेय येडरले खेलको ईन्जुरी समयमा गोल गर्दै फ्रान्सलाई सहज जित दिलाए ।
फ्रान्स ६ खेलबाट १५ अंक जोड्दै तालिकाको दोस्रो स्थानमा छ । शीर्ष स्थानको टर्कीको समेत समान १५ अंक छ । एन्डोरा अंक विहिन हुदै तालिकाको पुछारमा छ ।
ग्रिजम्यानले पेनाल्टी खेर फालेपनि आईतबार भएको खेलमा फ्रान्सले अल्बानियालाई ४–१ ले हराएको थियो ।
