एजेन्सी । युरो छनोट अन्तर्गत स्पेनले आईसल्याण्डलाई हराएको छ । आईतबार घरेलु मैदानमा भएको खेलमा आईसल्याण्डलाई ४–० गोल अन्तरले हराउदै स्पेन युरो छनोटको नजिक पुगेको छ ।
रोबर्ट मोरिनोको टिम समुह एफको शीर्ष स्थानमा छ । स्पेन छनोटका सबै खेलमा अपराजित छ । उसले ६ खेलबाट १८ अंक जोडेको छ । उसले दोस्रो स्थानको स्विडेनसंग ७ अंकको अग्रता लिएको छ । आईसल्याण्ड अझै अंक विहिन हुदै तालिकाको पुछारमा छ ।
स्पेनको जितमा भ्यालेन्सिया रोड्रिगो र पाको अल्सासेरले समान २-२ गोल गरे ।
रोड्रिगोले १३ औ मिनेटमा स्पेनलाई सुरुवाती अग्रता दिलाएका थिए । ५० औ मिनेटमा उनले अग्रतालाई दोब्बर पार्ने काम गरे ।
अल्सासेरले ८९ औ मिनेटमा स्पेनलाई ३–० को स्थितीमा पु¥याएका थिए । ईन्जुरी समयमा व्यक्तिगत दोस्रो गोल गर्दै अल्सासेरले स्पेनलाई ४–० को फराकिलो जित दिलाए ।
खेलमा अधिकांश समय हाबी देखिएको स्पेनले थप गोल गर्न भने सकेन । डिफेन्डर सर्जियो रामोसले स्पेनको जर्सीमा कीर्तिमानी १ सय ६७ क्याप खेले । उनले लिजेण्ड गोलकिपर ईकर कासिलासको राष्ट्रिय टिमबाट सर्वाधिक क्यापको कीर्तिमान बराबरी गरे ।
समुहकै अर्को खेलमा रोमानियाले माल्टालाई १–० ले हराउँदै तालिकाको तेस्रो स्थानमा उक्लिन सफल रह्यो ।
