एजन्सी । म्यानचेष्टर युनाईटेडका प्रशिक्षक आले गुनर सोल्सायरले ज्लाटन ईब्राहिमोविचलाई स्वागत गर्न आफु तयार रहेको बताएका छन् ।
सोल्सायरले यदी प्रिमियर लिग फर्कने बिषयमा ज्लाटन गम्भिर भए सम्झौताका लागि आउन आग्रह गरेका छन् ।
ज्लाटनले यसअघि आफु अझै प्रिमियर लिग खेल्न सक्ने भन्दै म्यान यु लैजान तयार भए आफु फर्कने बताएका थिए ।
ज्लाटनको जवाफ दिदै सोल्सायरले एलए ग्यालेक्सिका फरवार्ड तयार भए आफुलाई फोन गर्न भनेका छन् ।
स्विडेनका भेट्रान फरवार्ड अहिले अमेरिकन क्लब एलए ग्यालेक्सीबाट ब्यवसायीक फुटबल खेलिरहेका छन् । प्रिमियर लिगमा म्यान युले क्रिस्टल प्यालेससंग अप्रत्यासित हार ब्यहोरेपछि ज्लाटनको सो भनाई बाहिर आएको हो । म्यान युको प्रिमियर लिगको नयाँ सिजनमा पहिलो हार हो ।
युनाईटेडसंग अहिले मार्कुस रासफोर्डमात्र आक्रमण लाईनमा छन् । फरवार्डद्वय रोमेलु लुकाकु र एलेक्सिस साञ्चेज ईटालिनय क्लब ईन्टर मिलान गएपछि म्यान यु समस्यामा छ ।
इब्राहिमोविचले म्यान युनाईटेडबाट कारबाओ कप र युरोपा लिगको उपाधि जितेका थिए । तर चोटका कारण उनी लामो समय म्यान युनाईटेडमा बसेनन् ।
सोल्सायरले ज्लाटनको बढ्दो उमेरका कारण उनी प्रिमियर लिग फर्कने बिषयमा आशंका व्यक्त गरेका छन् । तर उनी गम्भिर रहेके अवस्थामा आफु छलफल गर्न तयार रहेको बताएका छन् ।
‘उनले यहाँ राम्रो समय बिताए । उनी राम्रो गरिरहेका छन् । उनले यहाँ चोट बोके । उनलाई थाहा छ । उनीसंग मेरो नम्बर छ । उनले मेरो घर देखेका छन् । यदी उनी गम्भिर भए म सधै कुरा गर्न तयार छु ।’ उनले भनेका छन् ।
‘मलाई लाग्दैन उनी फर्कने छन् । मलाई लाग्छ, क्लबमा उनको समय थियो । क्लबमा उनको शानदार करियर थियो ।’ सोल्सायरले थपे ।
ईब्राहिमोविचले म्यान युका लागि ५३ खेलमा २९ गोल गर्नुका साथै १० गोलको अवसर सिर्जना गरेका थिए । उनी एलए ग्यालेक्सी पुगेपछि ४९ खेलमा ४४ गोल गर्नुका साथै १० गोलको अवसर सिर्जना गरे ।
‘म सजिलै प्रिमियर लिग खेल्न सक्छु । यदी युनाईटेडलाई म आवश्यक भए, म तयार छु ।’ केही दिन अघि ईब्राहिमोविचले भनेका छन् ।
