काठमाडौं । ग्यारेथ बेलले रियल मड्रिड छाड्ने तयारी गरेका छन् । उनी चीनियाँ क्लब जियाङ्सु सुनिङमा तीन बर्षका लागि अनुबन्धित हुन लागेका हुन् ।
वेल्सका कीर्तिमानी गोलकर्ता स्पेन छाडेर चीन जाने बिषयको अन्तिम टुङ्गो लागेको छैन । तर बेल चीनियाँ क्लबसंग अनुबन्धनको निकै नजिक रहेको बताईएको छ ।
रियलका प्रशिक्षक जिनेदिन जिदानले ३० बर्षिया फरवार्डले क्लब छाड्न लागेको बताएका थिए । प्रि–सिजन टूरमा बार्यन म्युनिखसंग ३–१ ले पराजित भएपछि बेलले निकै चाँडै क्लब छाड्ने जानकारी जिदानले गराएका थिए ।
बेलको बहिर्गमनको बिषयमा जिदानले भनेका थिए, 'यो सबैका लागि राम्रो हो ।'
चीनमा बेलले हप्ताको करिब एक मिलियन पाउण्ड प्राप्त गर्ने बताईएको छ ।
बेल बेन्चबाट आउदै गोल गरेपछि पछिल्लो खेलमा रियल मड्रिडले आर्सनललाई ईन्टरनेस्नल च्याम्पियन्स कपमा २–२ गोलको बराबरी खेलेको थियो ।
तर फ्रान्सेली प्रशिक्षक जिदानले बेलले गोल गरेपनि निर्णयमा कुनै फेरबदल नहुने बताएका थिए । उनले सम्भवत बेलका लागि त्यो नै अन्तिम खेल हुन सक्ने बताएका थिए ।
बेल सन् २०१३ मा कीर्तिमानी ८५ मिलियन पाउण्डमा टोटेनहमबाट रियल मड्रिड आएका थिए ।
रियलसंग उनको सम्झाता अझै तीन बर्ष बाँकीनै छ ।
उनले रियलमा रहदाँ चार च्याम्पियन्स लिग, एक ला लिगा, कोपा डेल रे, तीन युईएफए सुपर कप र तीन क्लब विश्वकप जितेका छन् ।
बेलले तीन गोल र पेनाल्टी सुटआउट गरि चार च्याम्पियन्स लिगको फाईनलमा गोल गरेका छन् । रियलले सन् २०१४, २०१६, २०१७ र २०१८ मा च्याम्पियन्स लिगको उपाधि उचालेको थियो ।
तर चोटका कारण पछिल्ला चार सिजन बेल ७९ खेलमा सुरुवाती सेटमा रहेर मैदान उत्रेका थिए । उनले गत सिजन ४२ खेल रियल मड्रिडबाट खेलेका थिए ।
रियलमा जिदानको आगमनसंगै धेरैले बेलको भविष्य अनिश्चित हुने बताएका थिए । बेलका एजेण्ट जोनाथन बर्नेटले जिदान रियल फर्कने समाचार निकै दुखद रहेको बताएका थिए । उनले जिदानले बेलसंग मिलेर काम गर्न नचाहेको उल्लेख गरेका थिए । उनले बेलको खेल्ने शैलीबाट जिदान असन्तुष्ट रहेको सार्वजनीक रुपमै बोलेका थिए ।
बेल पछिल्लो सिजन मैदान बाहिरै रहेर रहे । रियलले पछिल्लो २० बर्षमा घरेलु लिगमा खराब नतिजा आत्मसाथ ग¥यो । उसले १२ हार ब्यहोर्दै ६८ अंक संकलन ग¥यो । र लिगको तेस्रो स्थानमा रह्यो । एक हिसावमा शीर्ष स्थानको लिग विजेता बार्सिलोना भन्दा १९ अंकले पछाडी रह्यो । रियल च्याम्पियन्स लिगमा समेत अन्तिम १६ को खेलमा आयाक्ससंग पराजित हुन पुगेको थियो ।
द गल्फरको रुपमा समेत क्लबमा चिनिने बेल १६ बर्षको उमेरमा सन् २००७ मा टोटेनहम आएका थिए । उनले ६ सिजन टोटेनहममा बिताएर रियल आएका थिए । सो समय समेत म्यानचेष्टर युनाईटेड र जर्मन च्याम्पियन बार्यन म्युनिखले बेलमाथि आँखा लगाएका थिए ।
पछिल्लो समय प्रिमियर लिगका स्टार खेलाडीको प्रमुख गन्तव्य बनेको चीनियाँ फुटबलमा बेल समेत जोडिन आईपुगेका छन् ।
