एजेन्सी । लिभरपुलका स्टार भर्जिल भान डायकले वालेन डी ओरको अवार्ड जित्नु आफ्नो लागि सपना रहेको बताएका छन् ।
युरोपियन च्याम्पियन्स लिग विजेताका स्टार डायकले विश्व बर्ष खेलाडी बन्नु आफ्नो सपना भएपनि क्लबले जित्ने उपाधिनै मुख्य लक्ष्य रहेको उल्लेख गरे ।
लिभरपुलमा १२ महिना सफल रुपमा बिताएका डायक विश्वका सबै भन्दा महङ्गा डिफेन्डर हुन् । उनैको प्रेरणादायी प्रर्दशनमा लिभरपुलले च्याम्पियन्स लिगको उपाधि जितेको थियो भने प्रिमियर लिगको उपाधि उचाल्न एक अंकले चुकेको थियो ।
त्यस्तै नेदरल्याण्ड्सले नेशन्स लिगको फाईनल खेलेको थियो ।
सोही कारण डायक फ्रान्सेली फुटबल म्यागजिनले हरेक बर्ष प्रदान गर्ने बर्ष फुटबल खेलाडीका सर्वाधिक बलिया दाबेदार हुन् ।
डिफेन्डरको रुपमा सन् २००६ मा युभेन्ट्स र रियल मड्रिडका फाबियो क्यानभारो वालेन डी ओरको अवार्ड जितेका थिए ।
उनकै नेृत्वमा ईटालीले विश्वकपको उपाधि यात्रा तय गरेको थियो । भान डायकले समेत सोही बाटोमा रहेको धेरैको विश्लेषण छ ।
‘यदी मानिस यसबारे कुरा गर्दैछन् भने तपाई भन्न सक्नुहुन्न यसले तपाईलाई केही गदैन भनेर ।’ भान डायकले भनेका छन् ।
‘यो त्यस्तो बिषय हो, जसलाई तपाईले प्रभावित बनाउन सक्नुहुन्न । तपाई तत्काल केही परिवर्तन गर्न सक्नुहुन्न । तपाई फिट रहनुस, त्यहीनै समाधान हो ।’ उनले थपे ।
‘बर्ष खेलाडीको उपाधि जित्नु विश्व फुटबलमा हरेक फुटबलरको सपना हो । यदी त्यो भएन भने तपाई पछिल्लो सिजन भन्दा अझ उत्कष्ट खेल्ने प्रयास गर्न सक्नुहुन्छ ।’ भान डायकको भनाई छ ।
‘गत बर्ष निकै उत्कृष्ट रह्यो । मलाई त्यसमा धेरै गर्व छ ।’ उनले थपे, ‘तर मुख्य कुरा हामी सबै मिलेर जित्न सकिने बिषयमा केन्द्रित हुनपर्छ । त्यहीनै मुख्य लक्ष्य हुनपर्छ । क्लबले धेरै उपाधि जित्नुपर्छ ।’
