एजेन्सी । स्पेनिस क्लब रियल मड्रिडले प्रि–सिजन टुरमा ग्यारेथ बेल र इस्कोलाई समावेश गरेको छ । पछिल्लो समय क्लब छाड्ने तयारीमा रहेका दुवै खेलाडीलाई समावेश गर्र्दै रियल मड्रिडले प्रि–सिजनका लागि २९ खेलाडीको नाम सार्वजनीक गरेको छ ।
नयाँ सिजनका लागि स्टार खेलाडी अनुबन्धन गरेको रियलले कोपा अमेरिका र युरो यु–२१ च्याम्पियनसिप खेलेका खेलाडीलाई समेत टोलीमा समावेश गरेको छ ।
रियलले यस सिजन बेल्जियमका अन्तराष्ट्रिय स्टार इडेन हर्जाड सहित फर्नाल्ड मेण्डी, लुका जोभिक, रोड्रागो र ताकेफुसो कुबोलाई क्लबमा अनुबन्धन गरेको थियो ।
यस्तै नयाँ खेलाडीको रुपमा क्यासमिरो, इडर मिलिटाओ, फेडरिको भाल्भार्डे, जिसस भाल्लेजो र ड्यानी सेबालोस पनि प्रि–सिजन टुरमा समावेश छन् ।
गोलकिपर नाभार र ईस्कोले रियलको सुरुवाती भ्रमणमा रहने छैनन् । उनीहरु केही समयपछि मात्र टोलीमा समावेश हुने क्लबले जनाएको छ ।
लण्डन क्लब चेल्सीका पुर्व फरवार्ड हजार्ड यसै सिजन सय मिलियन बढी पाउण्डमा अनुबन्धन भएका थिए । यस्तै बेलपछि मड्रिड आउने हजार्ड दोस्रो महङ्गा खेलाडी हुन् ।
बेल सन् २०१३ मा टोटेनहमबाट ६ वर्षकालागि मड्रिड आएका थिए ।
रियल मड्रिडले सार्वजनिक गरेको टोलीको नाम यसप्रकार छ ।
फरवार्ड : मारियानो, बेन्जामिन, बेल, लुकास, हर्जाड, एसेन्सियो, ब्राहिम, भिनिसियस जुनियर, जोभिक र रोड्रागो र जाभी हर्नान्डेज ।
मिडफिल्डर : टोनी क्रुस, मोड्रिच, इस्को, फिडाल्गो र सेएन ।
डिफेन्डर : रामोस, भाराने, ओड्रिओजोला, मेण्डी, डी ला फन्टे, कार्भाजल, नाचो, जाभी हेर्नान्डेज र मार्सेलो ।
गोलकिपर : थिबाउट कोर्टुवा , नाभास, लुनिन र अल्टुब
