एजेन्सी । घाना अफ्रिका कप अफ नेसन्सको अन्तिम १६ को खेलमा पराजित हुदै प्रतियाेगिताबाट बाहिरिएकाे छ । मंगलबार भएकाे खेलमा घानालाई ट्युनेसियाले पेनाल्टी सुटआउटमा ५-४ गोल अन्तरले पराजित गरेकाे हाे ।
जितपछि ट्युनेसियाले अन्तिम ८ मा स्थान पक्का गरेको छ ।
निर्धारित समयको खेल १-१ गोलको बराबरीमा सकिएपछि निर्णय टाईब्रेकरमा गरिएको थियो ।
ट्युनेसियाका गोलकिपर फारुक बेन मुस्तफाले नायकत्व प्रर्दशन गर्दै घानाका कालेब एकबनको पेनाल्टी रोकेका थिए ।
बाजदी किच्रिडाको क्रसमा ताहा यासीन खनेसीले ७३ औ मिनेटमा गोल गर्दै ट्युनेसियालाई सुरुवाती अग्रता दिलाएका थिए । तर दोस्रो हाफको ईन्जुरी समयमा रामी बेदोईले आत्मघाति गोल गरेपछि घाना खेलमा फर्किएकाे थियाे ।
ट्युनेसियाले अब सेमिफाइनल प्रवेशका लागि फिफा वरियताको १ सय ८ औ नम्बरमा रहेको माडागास्करसंग प्रतिस्पर्धा गर्नेछ ।
नाेट : घाना पेनाल्टी सुटआउटमा अभागी हुनुपर्नेमा अन्यथा भएकाेमा सच्चाइएकाे छ । - सम्पादक
