एजेन्सी । अर्जेन्टिना तथा बार्सिलोनाका कप्तान लियोनल मेस्सीले यसपटक बालोन डी’ओरको उपाधि जित्लान् या नजित्लान् ? अहिले चर्चाको विषय बनेको छ ।
पाँच पटकको बालोन डी’ओर विजेता मेस्सीले यसपटकको उपाधि जित्ने सम्भावना भने न्यून बन्दै गएको छ । किनकी मेस्सीले यस सिजन क्लबबाट एक उपाधि बाहेक अन्य ठुला उपलब्धि चुम्न सकेनन् ।
मेस्सीको टिम बार्सिलोना च्याम्पियन्स लिगको उपाधि जित्न बन्चित भयो । यस्तै अर्जेन्टिना कोपा अमेरिका फुटबलमा पनि सेमिफाइनलबाटै बाहिरियो ।
मेस्सीले बालोन डी’ओर नजित्ने मुख्य तीन कारणहरु यस प्रकार रहेको छ ।
१.लिभरपुलका भिर्गिल भान डिज्कको उत्कृष्ट प्रदर्शन
डिफेन्डर भिर्गिल भान डिज्कको उत्कृष्ट प्रदर्शनमा लिभरपुलले युईएफए च्याम्पियन्स लिगको उपाधि जित्न सफल भएको थियो । लिभरपुलले च्याम्पियन्स लिग जितेसँगै भान डिज्क बालोन डी’ओरका मुख्य दाबेदार बनेका छन् ।
बालोन डी’ओर अवार्ड डिफेन्डरले पाएको इतिहास कम छ तर यस सिजन आफुलाई उत्कृष्ट साबित गरेका भान डिज्कले अवार्ड जित्ने सम्भावना बलियो बनाएका छन् । यसअघि एक पटक मात्र डिफेन्डरले यस अवार्ड जितेका छन् ।
भान डिज्कले नेदरल्याण्डलाई नेसन्स कपको फाइनलमा समेत पुर्याउन सफल भएका थिए । त्यसैले पाँच पटकको विजेता मेस्सीलाई उनले पछि पार्ने अनुमान गरिएको छ ।
२. च्याम्पियन्स लिग र कोपा अमेरिकामा असफल
मेस्सीको कप्तानीमा रहेको बार्सिलोनाले यस सिजन च्याम्पियन्स लिगको उपाधि जित्न असफल रहेसँगै मेस्सीको बालोन डी’ओरमा सम्भावना समेत कम देखिएको छ ।
यस सिजन मेस्सीको टिम बार्सिलोना सेमिफाइनलमा लिभरपुलसँग पराजित भएको थियो । च्याम्पियन्स लिगको पहिलो लेगमा बार्सिलोनाले लिभरपुलविरुद्ध ३–० गोल गरेपनि दोस्रो लेगमा भने बार्सिलोना ४–० गोल अन्तरले पराजित भएको थियो ।
यस्तै, कोपा अमेरिकामा अर्जेन्टिना ब्राजिलसँग २–० गोलले पराजित भएपछि मेस्सीको बालोन डी’ओरमा सम्भावना थप न्यून भएको छ । अर्जेन्टिना कोपा अमेरिकाको सेमिफाइनलमा ब्राजिलसँग स्तब्ध बनेको थियो ।
३. बर्नार्डो सिल्भा विभिन्न अर्वाडबाट सम्मानित हुनु
इन्ग्लिश क्लब म्यानचेस्टर सिटीका मिडफिल्डर बर्नार्डो सिल्भा विश्वको उत्कृष्ट मिडफिल्डरमा गनिने गर्छन् ।
यस सिजन सिल्भाले आफ्नो टिमलाई इन्ग्लिश प्रिमियर लिग, युईएफए नेसन्स लिग, एफए कप र काराबाओ कपको उपाधि दिलाउन महत्वपूर्ण भूमिका खेलेका छन् ।
यस्तै यस सिजन सिल्भाले म्यानचेस्टर सिटी प्लेअर अफ द सिजन, युईएफए नेसन्स लिगमा प्लेअर अफ द सिजन समेत भएका थिए । जसको कारण सिल्भा पनि अवार्डको हकदार बनेका छन् ।
सिल्भाले यस सिजन लियोनल मेस्सी र आफ्नै देशका क्रिस्टियानो रोनाल्डोले भन्दा बढी उपाधि र व्यक्तिगत अवार्डहरु जितेका छन् । जसको कारण पनि मेस्सीले यस सिजन बालोन डी’ओर जित्ने सम्भावना न्यून रहेको छ ।
-1746894755.jpeg)
