एजेन्सी । आइभरी कोष्ट इजिप्टमा जारी अफ्रिका कप अफ नेसन्सको समूह उपविजेता बन्दै अन्तिम १६ मा प्रवेश गरेको छ ।
सोमबार भएको समूह चरणको अन्तिम खेलमा नामिबियालाई ४-१ गोल अन्तरले पराजित गर्दै आइभरी कोष्ट समूह उपविजेता बनेको हो ।
आइभरी कोष्टको जितमा म्याक्स ग्राडेल, जियोफ्री सेरी, विल्फ्रिड जाहा र म्याक्स्वेल कोर्नेटले एक एक गोल गरे । नामिबियाका जोस्लिन कामातुकाले एक गोल फर्काए ।
जितसँगै समूह 'डी' को आइभरी कोष्टले ३ खेलबाट ६ अंक जोड्यो । नामिबिया भने अंकविहीन बन्दै प्रतियोगिताबाट बाहिरिएको छ ।
यस समूहबाट मोरक्को समूह विजेता बन्दै अन्तिम १६ मा पुगेको छ । मोरक्कोले समूह चरणको अन्तिम खेलमा दक्षिण अफ्रीकालाई १-० ले पराजित गर्यो ।
अपराजित रहेको मोरक्कोले ३ खेलबाट ९ अंक जोड्यो । दक्षिण अफ्रीकाले ३ खेलबाट ३ अंक जोड्यो ।
-1746894755.jpeg)
