एजेन्सी । म्यानचेष्टर युनाईटेडका फरवार्ड मार्कोस रासफोर्डले क्लबसंगको अनुबन्धन सम्झौता नविकरण गरेका छन् । उनी सन् २०२३ सम्म क्लबमै रहन सहमत भएका हुन् । नयाँ सम्झौता अनुसार रासफोर्डले हप्ताको ३ लाख पाउण्ड प्राप्त गर्नेछन् ।
युनाईटेडले ईङ्ल्याण्डका अन्तराष्ट्रिय खेलाडी रासफोर्डलाई क्लबमै राख्न सफल भएको हो । उनले हप्ताको २ लाख पाउण्ड प्राप्त गर्नेछन् । बोनश समेत जोड्दा उनले पाउने तलबले ३ लाख पाउण्ड छुनेछ ।
२१ बर्षका प्रतिभाशाली फरवार्डले प्रिमियर लिगमा फरवार्डको रुपमा १ सय ७० खेल खेलेका छन् । उनले ईङ्ल्याण्डबाट ३२ क्याप समेत जितेका छन् ।
'म्यानचेष्टर मेरा लागि सबै हो । म यहाँ ७ बर्षको उमेरमा आएको थिए ।' नयाँ सम्झौतामा हस्ताक्षर गरेपछि रासफोर्डले भनेका छन् ।
'क्लबले मलाई धारिलो बनाउने काम ग¥यो, खेलाडी र मानिसको रुपमा । म निकै धन्य छु, मैले क्लबको जर्सी लगाउन पाएको छु ।' उनले थपे ।
प्रशिक्षक आले गुनर सोल्सायरको टिममा रासफोर्डले आफ्नो स्थान सुरक्षित हुने देखेपछि नयाँ सम्झौतामा हस्ताक्षर गरेका हुन् ।
उनले युनाईटेडका पहिलो टिमबाट ४५ गोल गर्नुका साथै २६ गोलका लागि अवसर सिर्जना गरेका छन् ।
-1746894755.jpeg)
