एजेन्सी । एजेन्ट जोनाथन बर्नेटले वेल्स स्टार ग्यारेथ बेलले लोनमा रियल मड्रिड नछाड्ने बताएका छन् ।
रियलको बागडोर सम्हाल्न आईपुगेका जिनेदिनले बेल बिनाको टिम बनाउन खोजिरहेका छन् ।
बेलका एजेन्ट बर्नेटका अनुसार रियलका मुख्य प्रशिक्षक जिदान २९ बर्षका स्टार बिनै अघि बढ्न खोजिरहेका छन् ।
रियलले समर ट्रान्सफरमा २ सय ५० मिलियन पाउण्ड भन्दा धेरै रकम खर्च गरिसकेको छ । उसले नयाँ सिजनका लागि पाँच नयाँ खेलाडी टिम पुर्नसंरचनाको क्रममा क्लबमा अनुबन्धन गरेको छ ।
रियलको उच्च मुल्य र बेलले प्रतिसाता मागेको ६ लाख पाउण्ड पारिश्रमिकले उनको बहिर्गमन निकै कठिन बनेको छ ।
लोनमा बाहिर पठाउने बिषयलाई तत्कालिन समाधानको विकल्पको रुपमा हेरिएको थियो । तर एजेन्ट वर्नेटले त्यस सम्भावनालाई अस्विकार गरेका छन् । उनले बेललाई लोनमा बाहिर पठाउने कुनै सम्भावना नरहेको बताएका छन् ।
‘लोनमा बाहिर जाने बिषय कुनै हालतमा सम्भव छैन ।’ उनले भनेका छन् ।
‘मलाई लाग्छ, उनी लोनमा बाहिर जान मान्नेछन् । उनले निकै राम्रो जिवन स्पेनमा बिताईरहेका छन् । उनी यसमा सहमत हुने छैनन् । लोनको बिषय स्विकार योग्य छैन ।’ उनले थपेका छन् ।
‘रियलमा उनको अवस्थामा कुनै बदलाब आएको छैन ।’ उनले भनेका छन् ।
म्यानचेष्टर युनाईटेडले बेललाई लामो समयका लागि क्लबमा अनुबन्धन गर्ने लक्ष्य राखेको थियो । तर पछिल्लो समय प्रिमियर लिग क्लब म्यान युले टोटेनहमका पुर्व स्टारलाई अनुबन्धन गर्न जोड गरिरहेको छैन ।
‘उनी त्यहाँ फिट हुन सक्छन् । मलाई लाग्छ, उनी निकै राम्रो गर्न सक्छन् । उनी अहिले पनि विश्वका एक उत्कृष्ट खेलाडी हुन् । तर यो निकै गाह्रो छ ।’ बेलका एजेन्टले भनेका छन् ।
-1746894755.jpeg)
