एजेन्सी । बार्सिलोना स्टार लुईस स्वारेज ब्राजिली खेलाडी नेयमारको स्वागतमा तयार देखिएका छन् । उनले बार्सिलोनाका पुर्व स्टारसंग पुन खेल्न आफु उत्साहित रहेको बताएका छन् ।
नेयमार बार्सिलोनामा रहदाँ स्वारेजले मेस्सीसंग मिलेर युरोपेली क्लब फुटबलमा ठुलो प्रभाव छाडेका थिए ।
२७ बर्षका नेयमार पछिल्लो समय ला लिगा च्याम्पियन बार्सिलोनासंग जोडिएका छन् । कीर्तिमानी मुल्यमा फ्रान्सेली क्लब पेरिस सेन्ट जर्मेन पीएसजी पुगेका नेयमारलाई क्लबमा फर्काउन बार्सिलोना समेत तयार देखिएको छ ।
ब्राजिली अन्तराष्ट्रिय खेलाडी नेयमारले फ्रान्सेली क्लब जानु अघि बार्सिलोनामा चार सिजन बिताएका थिए । उनले सन् २०१४–१५ मा तेहरो उपाधि जितेका थिए । उनले क्लबमा १ सय ८६ खेलमा १ सय ५ गोल गरेका थिए ।
स्वारेजले नेयमारलाई पुन देख्न पाउदा आफु खुसी हुने बताएका हुन् । नेयमार पैतलामा लागेको चोटका कारण एक महिना मैदान बाहिर छन् । उनले घरेलु भुमिमा भएको कोपा अमेरिका गुमाएका छन् ।
‘जिवनको एक सर्वश्रेष्ठ बर्षको रुपमा बार्सिलोनामा विश्वका सर्वोकृष्ट मेस्सी र दोस्रो सर्वोत्कृष्ट खेलाडी नेयमारसंग सहकार्य गर्ने मौका मिलेको थियो ।’ उनले भनेका छन् ।
‘मेरा लागि जिवनमा बाचेका सबै भन्दा उत्कृष्ट क्षण थियो । जब तेहरो उपाधि जितेका थियौ ।‘ उनले थपेका छन् ।
‘कसले चाहदैन नेयमार जस्तो खेलाडीलाई ?’ स्वारेजले प्रश्न गरेका छन् ।
बार्सिलोनाका सहकर्मी अर्तुरो भिडाल समेत नेयमारको बिषयलाई लिएर उत्साहित छन् । उनले अहिलेसम्म ब्राजिली स्टारसंग खेल्न पाएका छैनन । भिडाल युभेन्ट्स र बार्यन म्युनिख हुदै बार्सिलोनासंग जोडिएका थिए ।
चिलीका मिडफिल्डरका अनुसार नेयमार बार्सिलोनाको ड्रेसिङ रुपमा एक प्रिय व्यक्ती हुन् ।
‘उनी फर्किएर आए पर्याप्त बन्नेछ । उनले अझ धेरै उपाधि जिताउन सहयोग गर्न सक्नेछन् ।’ भिडालले भनेका छन् ।
नेयमारले पीएसजीलाई दुई पटक लिग जिताउन महत्वपुर्ण योगदान गरेका थिए । उनले खेलिएका ५८ खेलमा ५१ गोल गरेका थिए ।
फ्रान्स बसाईमा असन्तुष्ट देखिएका नेयमारलाई उपयुक्त प्रस्ताव आए बेच्न पीएसजी तयार देखिएको छ ।
-1751597995.webp)
-1751593454.webp)
