एजेन्सी । स्पेनिस महारथी क्लब रियल मड्रिडले क्लबका नयाँ सुपरस्टार ईडेन हजार्डको भब्य स्वागत गरेको छ । क्लबले ५० हजार समर्थक अगाडी बेल्जियमका अन्तराष्ट्रिय खेलाडी हजार्डको स्वागत गरको हो ।
बेल्जियमका फरवार्ड गत हप्ता मात्र करिब १ सय ५० मिलियन पाउण्ड भन्दा बढी मुल्यमा लण्डन क्लब चेल्सीबाट रियल मड्रिड आउने तय भएको थियो ।
उनी मेडिकल टेस्टमा थिए । उनले क्लब अध्यक्ष फ्लोरोन्टिनो पेरेजसंग पाँच बर्षको सम्झौता गरेका छन् ।
'मेरो बच्चैदेखिको सपना रियल मड्रिडका लागि खेल्नु थियो ।' उनले भनेका छन् ।
सम्झौतापत्रमा हस्ताक्षर गरेपछि रियल अध्यक्ष पेरेजलेल हजार्डलाई परिचय गराएका थिए ।
उनी लगत्तै रियलको जर्सी लगाएर मैदानमा देखिएका थिए । बल लिएर मैदान छिर्नु अघि उनले जर्सीमा रहेको क्लबको ब्याचलाई चुमेका थिए ।
'म विश्वको सर्वश्रेष्ठ खेलाडी बन्न चाहन्छु । तर पहिला म विश्वको सर्वश्रेष्ठ क्लबसंग जोडिन चाहेको थिए ।' हजार्डले पत्रकार सम्मेलनमा भने, 'म कुनै सुपरस्टार होइन । तर म कोशिश गर्नेछु । म अहिले हजार्ड हुँ ।'
हजार्डको जर्सीमा कुनै नम्बर राखिएको थिएन । उनी चेल्सी र बेल्जियमका रहदाँ १० नम्बरको जर्सी लगाउने गर्दथे । तर रियलमा लुका मोड्रिचले १० नम्बरको जर्सी लगाउने गरेका छन् ।
'म भाग्यमानी छु । कोभिसिसको माध्यमबाट मोड्रिचसंग कुरा गर्ने अवसर पाएको थिए । मैले मजाकमा उनलाई १० नम्बरको जर्सी छाड्न भनेको थिए । तर उनले अस्विकार गरे । मेरोलागि नम्बर महत्वपुर्ण होईन ।' हजार्डले भनेका छन् ।
हजार्डले रियलले पछिल्लो विश्वकपपछि नै आफुसंग सम्झौता गर्न चाहेको खुलाए । तर उपयुक्त समयमा स्पेनिस क्लबमा जोडिने आफ्नो ईच्छा रहेको उनको भनाई थियो ।
'मलाई लाग्दैन यो निकै ढिला भयो । म अहिल २८ बर्षको भए । खेलाडी जिवनको उत्कृष्ट समयमा छु ।' उनले थपे ।
जिनेदिन जिदान क्लबको मुख्य प्रशिक्षकमा फर्किएपछि हजार्डलाई पुन रियलमा ल्याउने प्रक्रिया सुरु भएको थियो । हजार्डले रियल आउनुको मुख्य कारण फ्रेन्च प्रशिक्षक जिदानलाई मानेका छन् ।
-1746894755.jpeg)
