एजेन्सी । पेरिस सेन्ट जर्मेन (पीएसजी) का स्टार स्ट्राइकर केलियन एमबाप्पे खेलाडी किनबेचको सर्वाधिक धेरै ट्रान्सफर भ्यालु भएका खेलाडी बनेका छन् ।
फुटबल सम्बन्धि अध्ययन गर्ने संस्था सीआईईएस फुटबल अब्जरभेटरीले निकालेको सूचीमा एमबाप्पे शीर्ष स्थानमा रहेका छन् ।
विश्वकप विजेता फ्रान्सका युवा स्टार एमबाप्पेको ट्रान्सफर भ्यालु २५२ मिलियन युरो रहेको छ । एमबाप्पेले लिभरपुलका मोहमद सलाहलाई पछि बनाएका हुन् ।
इजिप्टका सलाहको ट्रान्सफर भ्यालु २१९ मिलियन युरो रहेको छ । यस्तै म्यानचेस्टर सिटीका युवा खेलाडी रहिम स्ट्रलिङ २०८ मिलियन युरोसहित तेस्रो स्थानमा रहेका छन् ।
सर्वाधिक ट्रान्सफर भ्यालु भएको खेलाडीको सूचीमा बार्सिलोनाका कप्तान लियोनल मेस्सी चौंथो स्थानमा छन् । उनको ट्रान्सफर भ्यालु १६७ मिलियन युरो रहेको छ ।
यस्तै बोरुसिया डर्टमण्डका जोर्डन सान्चो १५९ मिलियन युरोसहित पाँचौ स्थानमा रहेका छन् ।
त्यस्तै ११८ मिलियन युरोसहित युभेन्ट्सका क्रिस्टियानो रोनाल्डो २० औं स्थानमा रहदा १२४ मिलियन युरोसहित पीएसजीका नेयमार १७ औं स्थानमा रहेका छन् ।
-1746894755.jpeg)
