एजेन्सी । ईङ्लिस क्लब म्यानचेष्टर युनाईटेडले नयाँ सिजनका लागि डिफेन्डरको खोजीलाई तिव्र बनाएको छ । म्यान युनाईटेडले लिग प्रतिद्वन्दी क्लब लेस्टर सिटीका डिफेन्डर ह्यारी मुगईरी लगायतका खेलाडी अनुबन्धनको ईच्छा देखाएको हो ।
लेस्टरले आफ्ना डिफेन्डरलाई बेच्न नसकिने बताएपनि म्यान युनाईटेडले लगातार मुगईरीमाथि अनुबन्धनको ईच्छा देखाईरहेको छ ।
पछिल्लो समर ट्रान्सफरमा युनाईटेडले लेस्टरसंगको छलफल बन्द गरेको थियो । उसले २६ बर्षका डिफेन्डरको मुल्य ७० मिलियन पाउण्ड धेरै भएको निष्कर्श निकालेको थियो ।
तर म्यान युनाईटेडका प्रशिक्षक ओले गुनर सोल्सायरले पुन सेन्टर डिफेन्डर मुगईरीलाई भित्राउने प्रयास अघि बढाएका छन् ।
आफ्ना स्टार डिफेन्डरको बिषयमा लेस्टरले बलियो बार्गेनिङ गरिरहेको छ ।
मुगईरीले गत सेप्टेम्बरमा मात्र क्लबसंग ५ बर्षको नयाँ सम्झौता गरेका थिए । मुख्य प्रशिक्षक ब्रेन्डन रोडजरले सिजनको अन्तिममा क्लबमा बस्ने मुगईको निर्णयले उनको क्षमतालाई अझ विकास गर्न सकिने बताएका थिए ।
म्यान युनाईडेटले लेस्टर मात्र नभएर क्रिस्टल प्यालेसका यु–२१ का डिफेन्डर आरोन वान बिसाकालाई अनुबन्धनको ईच्छा देखाईरहेको छ । त्यसका लागि युनाईटेडल ४० मिलियन पाउण्ड सहित राम्रो तलबको प्रस्ताव क्रिस्टल प्यालेसलाई गर्नुपर्नेछ ।
-1746755007.webp)
