एजेन्सी । क्रिस्टियानो रोनाल्डोको कप्तानीमा रहेको पोर्चुगलले पहिलो संस्करणको युईएफए नेसन्स लिग फुटबलको उपाधि जितेको छन् ।
आइतबार राति भएको फाइनलमा नेदरल्याण्डलाई १-० गोल अन्तरले पराजित गर्दै पोर्चुगल च्याम्पियन बनेको हो ।
पोर्चुगलको जितमा गोन्कालो गुएडेस नायक बने । घरेलु मैदान पोर्टोमा पहिलो हाफ गोलरहित बराबरीमा सकिएको खेलको ६० औं मिनेटमा गुएडेसले निर्णायक गोल गरेका थिए । बर्नार्डो सिल्भाको पासमा उनले निर्णायक गोल गरेका थिए ।
योसंगै रोनाल्डोले आफ्नो कप्तानीमा पोर्चुगललाई दोस्रो अन्तराष्ट्रिय उपाधि दिलाउन सफल भएका छन् । यसअघि रोनाल्डोको कप्तानीमा पोर्चुगलले सन् २०१६ को युरोकप जितेको थियो ।
यसअघि पोर्चुगलले स्विजरल्याण्डलाई हराएर फाइनलमा स्थान बनाएको थियो । यस्तै नेदरल्याण्डले इंग्ल्याण्डको चुनौती समाप्त गरेको थियो ।
प्रतियोगितामा इंग्ल्याण्डले तेस्रो स्थान हासिल गरेको छ । प्ले अफमा स्विजरल्याण्डलाई पेनाल्टी सुटआउटमा ६-५ गोल अन्तरले पराजित गर्दै इंग्ल्याण्डले तेस्रो स्थान हासिल गरेको हो ।
प्रतियोगिताको सर्वोकृष्ट खेलाडी पोर्चुगलका बर्नार्डो सिल्भा चुनिए ।
-1751597995.webp)
-1751593454.webp)
