एजेन्सी । युएईएफए नेसन्स लिगमा इंग्ल्याण्डले तेस्रो स्थान हासिल गरेको छ । आइतबार भएको प्ले अफमा स्विजरल्याण्डलाई पेनाल्टी सुटआउटमा ६-५ गोल अन्तरले पराजित गर्दै इंग्ल्याण्डले तेस्रो स्थान हासिल गरेको हो ।
खेलको निर्धारित ९० मिनेट र थप गरिएको अतिरिक्त समय गोलरहित बराबरीमा सकिएपछि खेलको निर्णय पेनाल्टीबाट गरिएको थियो । पेनाल्टीमा इंग्ल्याण्ड सफल भयो ।
इंग्ल्याण्डको जितमा गोलकिपर जोर्डन पिकफोर्ड नायक बने । उनले एक पेनाल्टी रोक्नुका साथै पेनाल्टीमा गोल समेत गरे ।
यस्तै पेनाल्टीमा इंग्ल्याण्डका ह्यारी मागुइरे, रोस बार्क्ली, जाडोन सान्चो, रहिम स्ट्रलिङ र एरिक डायरले गोल गरे ।
स्विजरल्याण्डका स्टेभेन जुबेर, ग्रानिट जाका, मानुएल अकांजी, केभिन एमबाबु र फाबियनले गोल गरे । जोसिप ड्र्मिकको प्रहार पिकफोर्डले बचाएका थिए ।
प्रतियोगिताको फाइनलमा भने पोर्चुगल र नेदरल्याण्डले प्रतिस्पर्धा गर्नेछन् ।
-1751597995.webp)
-1751593454.webp)
