एजेन्सी । बेल्जियमका गोलकिपर थिबाउट कोर्टोइसले ईडेन हजार्डको आगमनले रियल मड्रिडको नयाँ सिजनमा प्रभाव पार्ने बताएका छन् ।
चेल्सीका पुर्व स्टार हजार्ड गत शुक्रबार रियल मड्रिड जाने निश्चित भएको थियो । उनी १ सय ३० मिलियन पाउण्डमा रियल जाने तय भएको हो । उनले क्लबसंग पाँच बर्षको सम्झौता गरेका थिए ।
उनले चेल्सीलाई युरोपा लिगको उपाधि जिताउनुका साथै चेल्सीलाई अर्को सिजन च्याम्पियन्स लिगमा छनोट गराएका थिए ।
रियल मड्रिडले तेस्रो स्थानमा रहदै ला लिगाको अन्त्य गरेको थियो । रियल आश्चार्यजनक रुपमा च्याम्पियन्स लिगको अन्तिम १६ को खेलमा डच क्लब आयाक्ससंग पराजित हुदै प्रतियोगिताबाट बाहिरिएको थियो ।
कोर्टोइसले रियल आउनु अघि हजार्डसंग चेल्सीमा बिताएका थिए । उनले गत सिजन रियल मड्रिडबाट खेलेका थिए । कोर्टोइसले हजार्डको आगमनले क्लब निकै बलियो हुने बताएका हुन् ।
‘यदी उनी थोरैमात्र स्पेनिस बोले भने त्यो निकै राम्रो हुनेछ ।’ युरो छनोटमा काजकिस्तानविरुद्व जित हासिल गरेपछि कोर्टोइसले भनेका छन् ।
‘यो निकै सुखद पक्ष हो । हामी फेरी एक पटक संगै जोडिएका छौ । उनी मेरा साथी हुन् । म उनी र उनको परिवारलाई राम्रोसंग चिन्छु ।’ कोर्टोईसले थपे ।
‘मड्रिडका लागि निकै राम्रो हुन गईरहेको छ । मलाई लाग्छ, उनले मड्रिडमा केही फरक गर्नेछन् । अपेक्षा गर्छु अर्को सिजन हामीले धेरै उपाधि जित्नेछौ ।’ उनी भन्छन्, ‘उनी आफैमा विश्वका उत्कृष्ट खेलाडी हुन् । अब उनले सबै उत्कृष्ट खेलाडीको साथ पाउनेछन् ।’
-1746894755.jpeg)
