एजेन्सी । म्यानचेष्टर युनाइटेडका पूर्व मिडफिल्डर एण्डर हरेराले प्रशिक्षक ओले गुनार सोल्सायरले क्लबलाई पुरानो लयमा फर्काउने बताएका छन् ।
यस सिजनको अन्त्यसगै क्लब छाडेका स्पेनिस मिडफिल्डर हरेराले आफुले फुटबलमा भेटेका व्यक्तिमध्ये सोल्सायर सबैभन्दा राम्रा व्यक्ति रहेको बताउँदै उनले क्लबलाई सफलता दिलाउनेमा विश्वस्त रहेको बताए।
‘म वास्तवमा सोल्सायरलाई विश्वास गर्छु । मैले फुटबलमा भेटाएको व्यक्तिमध्ये सोल्सायर सबैभन्दा राम्रो व्यक्ति हो । ड्रेसिङ रुममा सबैले उसलाई मन पराउछन् । सबैजना उसको लागि लड्न चाहन्छन् ।’ हरेराले भनेका छन्, ‘मेरो विचारमा सोल्सायर सही व्यक्ति हुन् किनभने ऊसँग राम्रा गुणहरु र ज्ञान छ ।’
युनाइटेडमा पाँच वर्ष बिताएका हरेराले सिजनको अन्त्यसगै क्लब छाडेका थिए । उनले युनाईटेडमा रहदा लुईस भान गाल र जोसे माउरिन्होको टिमबाट समेत खेलिसकेका थिए ।
यस्तै हरेराले युनाईटेडबाट खेल्ने आफ्नो सपना पुरा भएको बताए ।
‘इग्ल्यान्डको सबैभन्दा महान् र ठूलो क्लबबाट खेल्नु मेरो सपना थियो ।’ हरेराले थपे, ‘मैले केही ट्रफीहरु जितेको छु, तर त्यो लिगमा केही छ जुन म जित्न चाहन्थे ।’
हरेराले अर्को वर्ष लिगको उपाधि युनाईटेडले जित्न सक्ने समेत बताए ।
‘मलाई आशा छ । युनाईटेडले अर्काे वर्षको प्रिमियर लिग जित्छ तर क्लबले धेरै काम गर्नुपर्छ,' हरेराले भने ।’
-1746894755.jpeg)
