काठमाडौं । सरस्वती युवा क्लब दोस्रो संस्करणको चन्द्रागिरी रोज बहिनी गोल्डकप फुटबलको सेमिफाइनलमा प्रवेश गरेको छ ।
चन्द्रागिरी नैकापस्थित नैकाप फुटबल मैदानमा मंगलबार आयोजक दीपशखिा युवा समूहलाई २–० गोल अन्तरले पराजित गर्दै सरस्वतीले अन्तिम चारमा स्थान बनाएको हो ।
सरस्वतीको जितमा सुजित बुढाथोकी र सन्जीव लामाले गोल गरे ।
खेलको ३६औं मिनेटमा सुजितले गोल गर्दै सरस्वतीलाई सुरुवाती अग्रता दिलाएका थिए । त्यसपछि खेलको ७७औं मिनेटमा सन्जीव लामाले गोल गर्दै सरस्वतीलाई २–० को जित दिलाए ।
प्रतियोगिता अन्तर्गत बुधबार हुने अन्तिम क्वाटरफाइनलमा ‘ए’ डिभिजन क्लब भ्याली च्यासल युथ क्लब र वीरगन्ज युनाइटेडबीच खेल हुनेछ ।
प्रतियोगिताको विजेताले ६ लाख तथा उपविजेताले ३ लाख रुपैयाँ प्राप्त गर्ने आयोजकले जनाएको छ । प्रतियोगिताको उत्कृष्ट खेलाडी र सर्वा्धिक गोलकर्ताले समान ३० हजार रुपैयाँ पाउनेछन् ।
