विम्बल्डन टेनिसमा फेडेररको विजयी सुरुवात

एजेन्सी । स्विस खेलाडी रोजर फेडेररले विम्बल्डन टेनिसमा विजयी सुरुवात गरेका छन् । सोमबार भएको पहिलो चरणको खेलमा सर्बियाका डुसान लाजोभिकलाई पराजित गर्दै फेडेररले विजयी सुरुवात गरेका हुन् ।

लन्डनमा भएको खेलमा फेडेररले लाजोभिकमाथि ६-१,६-३ र ६-४ को जित निकाले  । फेडेररले लाजोभिकमाथि जित निकाल्न मात्र ७९ मिनेट लगाए ।

कीर्तिमानी २० पटकको ग्राण्डस्लाम बिजेता फेडेररले अब दोस्रो चरणमा लुकास लाको र बेन्जामिन बोन्जीबीचको बिजेतासंग खेल्ने छ । फेडेररले ८ पटक विम्बल्डन टेनिसको उपाधि जितिसकेका छन् ।