एजेन्सी । इन्ग्लिश प्रिमियर लिग फुटबलमा म्यानचेस्टर युनाईटेडले लज्जास्पद हार व्यहोरेको छ । आइतबार भएको खेलमा युनाईटेड एभर्टनसंग ४-० गोलको फराकिलो अन्तरले पराजित भएको हो ।
घरेलु मैदानमा शानदार जित निकाल्ने क्रममा एभर्टनका लागि रिचार्लिसन, गिल्फी सिगुर्डसन, लुकास डिग्ने र थियो वाल्कोटले एक एक गोल गरे ।
घरेलु मैदानमा एभर्टनले खेलको १३ औं मिनेटमा रिचार्लिसनको गोलबाट अग्रता बनाएको थियो । २८ औं मिनेटमा सिगुर्डसनले गोल गर्दा पहिलो हाफमा एभर्टन २-० ले अघि रह्यो ।
खेलको ५६ औं मिनेटमा लुकासले गोल गर्दै घरेलु टोलीको अग्रता ३-० को बनाए । त्यसपछि खेलको ६४ औं मिनेटमा वाल्कोटले गोल गर्दै एभर्टनलाई ४-० को फराकिलो जित दिलाए ।
एभर्टनसंगको हारसंगै युनाईटेडको शीर्ष चारको लक्ष्यमा धक्का लागेको छ । छैटौं स्थानको युनाईटेडको ६४ अंक छ ।
जितसंगै एभर्टन लिगको सातौं स्थानमा उक्लिएको छ । एभर्टनको ४९ अंक छ ।
-1746894755.jpeg)
