एजेन्सी । ‘पीएफए प्लेयर अफ दि इयर’ अवार्डका लागि मनोनयनमा पर्ने ६ खेलाडीको नाम सार्वजनिक भएको छ ।
प्रोफेसनल फुटबलर एसोसिएसन (पीएफए) ले शनिबार मनोनयनमा पर्ने ६ खेलाडीको नाम सार्वजनिक गरेको हो ।
यस बर्ष अवार्डका लागि म्यानचेस्टर सिटीका सर्वाधिक ३ खेलाडी मनोनयनमा परेको छ । यस्तै लिभरपुलको २ र चेल्सीका एक खेलाडी परेका छन् ।
म्यानचेस्टर सिटीका सर्जियो अग्युरो, बर्नार्डो सिल्भा र रहिम स्ट्रर्लिङ अवार्डका लागि मनोनयनमा परेका छन् । लिभरपुलका साडियो माने र भ्रिगील भान डिज्क रहेका छन् । चेल्सीका फरवार्ड इडेन हाजार्ड पनि मनोनयनमा अटाएका छन् ।
गत सिजन लिभरपुलका फरवार्ड मोहमद सलाहले यस अवार्ड जितेका थिए ।
यस्तै बर्षको युवा खेलाडीको अवार्डका लागि म्यानचेस्टर युनाईटेडका मार्कुस राष्फोर्ड, सिटीका रहिम स्ट्रर्लिङ, बर्नेमाउथका डेभिड ब्रोक्स, लिभरपुलका ट्रेन्ड आर्नोल्ड, वेष्ट ह्यामका डिक्लेन राइस र सिटीका बर्नार्डो सिल्भा मनोनयनमा परेका छन् ।
-1746894755.jpeg)
