एजेन्सी । ईन्डियम प्रिमियर लिग क्रिकेट आईपीएलमा दिल्ली क्यापिटल्सको टिममा नेपालका लेग स्पिनर सन्दीप लामिछानेले स्थान बनाएका छन् । किंग्स इलाभेन पन्जाबविरुद्वको खेलमा दिल्लीबाट सन्दीपले सुरुवाती ११ मा स्थान बनाएका हुन् ।
दिल्लीले आजको खेलमा थप एक परिवर्तन गरेको छ । दिल्लीले अमित मिश्राको स्थानमा अविस खानलाई राखेको छ ।
बिन्द्रा स्टेडियममा पन्जाबविरुद्व दिल्लीले टस जितेर बलिङ रोजेको छ ।
दिल्लीले सुरुवाती दुई खेलमा सन्दीपलाई खेलाएको थिएन । तर कोलकत्ता नाईट राइडर्सविरुद्वको खेलमा भने दिल्लीले टिममा सन्दीपलाई समावेश गरेको थियो ।
कोलकत्ताविरुद्व सन्दीपले पुरै ४ ओभर बलिङ गर्दै २९ रन खर्चिएर एक विकेट लिएका थिए । उनले एक खेलाडीलाई रन आउट समेत गरेका थिए । सो खेल सुपर ओभरमा दिल्लीले जितेको थियो ।
बिन्द्रा स्टेडियममा दिल्ली र पञ्चाब तेस्रो जित निकाल्ने लक्ष्यसहित मैदान उत्रने छन् । दुवै टोलीले अघिल्ला ३ खेलमा एक हार र २ जित निकालेका थिए ।
पाँचौ स्थानको पन्जाबको ४ अंक छ । यस्तै चौथो स्थानको दिल्लीको पनि ४ अंक रहेको छ ।
दुई टोलीबीचको पछिल्ला पाँच भेटमा पन्जाब बलियो देखिएको छ । पन्जाबले ४ खेल जित्दा दिल्लीले एक मात्र खेल जितेको छ ।
