एनसीएल अक्सन : १० खेलाडीलाई सर्वाधिक मूल्य

गृहपृष्ठ
क्रिकेट

सोमबार, चैत १८, २०७५ खेलपाटी संवाददाता

काठमाडौं । नेपालको पहिलो फ्रेन्चाईज महिला क्रिकेट लिग एनसीएल वुमन्स टी–ट्वान्टी क्रिकेट लिगको खेलाडी किनबेच (अक्सन) सकिएको छ ।

आयोजक एनसीएल स्पोर्टस प्रालीले आइतबार आयोजना गरेको अक्सनबाट सहभागी ४ टोलीले खेलाडी अनुबन्ध गरेको छ । चारै टोलीले अक्सनबाट १३/१३ खेलाडी अनुबन्ध गरेको छ । अक्सनमा ८० खेलाडी रहेका थिए ।

अक्सनमा राष्ट्रिय टिमका खेलाडीले सर्वाधिक मुल्य पाएका छन् । अक्सनबाट १० खेलाडीले सर्वाधिक मूल्य पाएका छन् ।पहिलो श्रेणीमा रहेका उनीहरु अधिकतम मूल्य ७५ हजारमा बिक्रि भएका छन् ।

अक्सनबाट काजल श्रेष्ठ, ईन्दु वर्मा, सरिता मगर, रोमा थापा, सोनु खड्का, ज्योति पाण्डे, अप्सरी बेगम, विन्दु रावल, ममता चौधरी र कविता कुँवरले अधिकतम मूल्य पाएका छन् । अधिकतम मूल्य पाएका अधिकांस खेलाडीहरु लक्की ड्रबाट छानिएका हुन्।

अक्सनमा पहिलो श्रेणीका खेलाडीको न्युनतम मुल्य ४० देखि अधिकतम ७५ हजार रुपैयाँ रहेको थियो । यस्तै दोस्रोको २५ देखि ५० हजार र तेस्रो श्रेणीका खेलाडीको १५ देखि २५ हजार मुल्य रहेको छ ।

प्रतियोगितामा विराटनगर रोअरिङ लायन्स,भैरहवा क्विन्स,काठमाडौं सुपर च्याम्पियन र धनगढी वन्डर वुमनले प्रतिस्पर्धा गर्ने छन् ।

प्रतियोगिता विराटनगरको बैजनाथ क्रिकेट मैदानमा बैशाख ७ देखि १४ गतेसम्म हुनेछ । विजेताले १० लाख र उपविजेताले ५ लाख पाउने छन् ।

प्रतियोगिताको प्लेयर अफ दि म्याचले १० हजार र विधागततर्फ उत्कृष्ट हुनेले समत पुरस्कार पाउने आयोजकले जनाएको छ ।

अक्सनबाट बिक्रि भएका खेलाडी र मूल्य :

विराटनगर रोअरिङ लायन्स

करुणा भण्डारी (मार्की)

काजल श्रेष्ठ -७५ हजार

अन्जली चन्द-५० हजार

कृतिका मरासिनी -२५ हजार

अनुराधा चौधरी- ३५ हजार

अस्मिना कर्माचार्य -३५ हजार

सन्जु तामाङ-१५ हजार