एजेन्सी । भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा शुक्रबार एक खेल हुँदैछ । शुक्रबार हुने खेलमा सनराईजर्स हैदरवाद र राजस्थान रोयल्सले प्रतिस्पर्धा गर्ने छन् ।
हैदरवादस्थित राजिब गान्धी क्रिकेट स्टेडियममा हैदरवाद र राजस्थानबीचको खेल नेपाली समय अनुसार राति ८:१५ मा सुरु हुनेछ । र, दुवै टोली पहिलो जित निकाल्ने लक्ष्यसहित मैदान उत्रने छन् । दुवै टोली पहिलो अंकको खोजीमा रहेका छन् ।
केन विलियम्सनको कप्तानीमा हैदरवाद मैदान उत्रने छन् । हैदरवादसंग डेभिड वार्नर, शाकिब अल हसन, मार्टिन गुप्टिल, भुवनेश्वर कुमार, राशिद खान, मनिस पाण्डे लगायतका खेलाडी रहेका छन् । हैदरवादसंग घरेलु समर्थकहरुको साथ समेत रहने छ ।
राजस्थान अजिंका रहानेको कप्तानीमा मैदान उत्रने छ । उसलाई जोस बटलर, बेन स्टोक्स,इस सोधी लगायतका खेलाडीको साथ हुनेछ ।
हैदरवाद र राजस्थानबीचको पछिल्लो पाँच खेलको नतिजा हेर्दा घरेलु टोली बलियो देखिएको छ । हैदरवादले पछिल्लो पाँच भेटमा राजस्थानलाई चार पटक हराएको छ ।
