काठमाडौं । आईसीसी यू-१९ विश्वकप क्रिकेटको एसिया छनोटका लागि विशेष तयारी गर्न नेपाली यू-१९ क्रिकेट टोली अहिले भारतको आन्ध्र प्रदेशमा रहेका छन् ।
मलेसियामा आयोजना हुने एसिया छनोटको तयारी गर्न नेपाली टोली आन्ध्र प्रदेश गएको हो ।
भारतमा रहेको नेपाली टोलीले अहिले आन्ध्र प्रदेशको यू-१९ टोलीसंग पहिलो अभ्यास खेल खेलिरहेको छ। नेपालले सुरुवातमा ब्याटिङ गरिरहेको छ ।
नेपालले आन्ध्र प्रदेशको यू-१९ टोलीसंग ४ अभ्यास खेल खेल्ने कार्यक्रम रहेको छ । नेपाली टोली रोहित पौडेलको कप्तानीमा भारत भ्रमणमा रहेको छ ।
अप्रिल दोस्रो साताबाट आयोजना हुने एसिया छनोटमा नेपालसहित ६ टोलीले प्रतिस्पर्धा गर्ने छन् । अप्रिल १० देखि २० सम्म हुने छनोटमा नेपालसहित, मलेसिया, सिंगापुर,युएई,कुवेत र ओमन रहेका छन् । विजेता टोलीले सन् २०२० मा दक्षिण अफ्रीकामा आयोजना हुने विश्वकपमा स्थान बनाउने छन् ।
नेपाल र आन्ध्र प्रदेश यू-१९ टोलीबीचको खेल तस्बिरमा हेर्नुहोस् :
तस्बिर : रमण शिवाकोटी
