एजेन्सी । इन्ग्लिश प्रिमियर लिग फुटबलमा चेल्सी बराबरीमा रोकिएको छ । आइतबार भएको खेलमा चेल्सी वुल्भ्ससंग १-१ गोलको बराबरीमा रोकिएको हो ।
घरेलु मैदानमा इडेन हाजार्डले इन्जुरी समयमा गोल गरेपछि चेल्सी हारबाट जोगिएको हो । खेलको निर्धारित ९० मिनेटमा १-० गोलले पछि परेको चेल्सीका लागि इन्जुरी समयमा हाजार्डले गोल गर्दै चेल्सीलाई एक अंक दिलाएका हुन्।
त्यसअघि खेलको ५६ औं मिनेटमा राहुल जेमिनिजले गोल गर्दै वुल्भ्सलाई अग्रता दिलाएका थिए । तर , अन्तिम समयमा सम्हालिन नसक्दा वुल्भ्सले एक अंकमा चित्त बुझाएको छ ।
यो बराबरीसंगै चेल्सीले २९ खेलबाट ५७ अंक जोडेको छ । चेल्सी लिगको छैटौं स्थानमा छ । अंक ४४ जोडेको वुल्भ्स सातौं स्थानमा छ ।
