एजेन्सी । जर्मन बुन्डेस लिगा फुटबलमा साविकको विजेता वायर्न म्युनिखले फराकिलो जित निकालेको छ । शनिबार राति भएको खेलमा वायर्नले वुल्फबर्गलाई ६-० गोल अन्तरले पराजित गर्यो ।
घरेलु मैदानमा वायर्नलाई फराकिलो जित दिलाउन रोबर्टो लेवान्डोस्कीले दुई गोल गरे । यस्तै सेर्गी गेनाब्री,जेम्स रोड्रिगेज,थोमस मुलर र जोसुवा किमिचले एक एक गोल गरे ।
वुल्फबर्गमाथिको फराकिलो जितसंगै वायर्न लिगको शीर्ष स्थानमा उक्लिएको छ । वायर्नले २५ खेलबाट ५७ अंक जोडेको छ । वुल्फबर्ग ३९ अंकसहित सातौं स्थानमा छ ।
बुन्डेस लिगा अन्तर्गत नै शनिबार राति दोस्रो स्थानको बोरुसिया डर्टमण्डले स्तुटगार्डलाई ३-१ गोल अन्तरले पराजित गरेको हो ।
जितसंगै डर्टमण्डले २५ खेलबाट ५७ अंक नै जोडेको छ ।
