एजेन्सी । इन्ग्लिश क्लब आर्सनल युरोपा लिग फुटबल अन्तर्गत अन्तिम १६ को पहिलो लेगमा पराजित भएको छ । बिहिबार राति भएको खेलमा आर्सनल फ्रेन्च क्लब रेनससंग ३-१ गोल अन्तरले पराजित भयो ।
घरेलु मैदानमा रेनसले सुरुवाती अग्रता उल्टाएर जित निकालेको हो । रेनसलाई जित दिलाउन बेन्जामिन र इसमिला सार्रले एक एक गोल गरे ।
रेनसले एक गोल आत्मघाती उपहार पाएको थियो । आर्सनलका नाचो मोनरियलले आत्मघाती गोल गर्दा एलेक्स इओबीले एक गोल फर्काए ।
चौंथो मिनेटमा इओबीको गोलबाट आर्सनलले सुरुवाती अग्रता बनाएको थियो । खेलको ४१ औं मिनेटमा सोक्राटिसले रातो कार्ड पाउँदा आर्सनल १० खेलाडीमा समेटिएको थियो । लगत्तै ४२ औं मिनेटमा बेन्जामिनको गोलबाट घरेलु टोली खेलमा फर्कियो ।
खेलको ६५ औं मिनेटमा नाचोले आत्मघाती गोल गर्दा रेनस २-१ ले अघि रह्यो । त्यसपछि खेलको ८८ औं मिनेटमा इसमिलाले गोल गर्दै रेनसलाई ३-१ को जित दिलाए ।
यो हारसंगै आर्सनलको क्वाटरफाइनल यात्रा कठिन देखिएको छ । अब आर्सनललाई घरेलु मैदानमा हुने दोस्रो लेगमा फराकिलो जित निकाल्नु पर्ने भएको छ ।
