एजेन्सी । इन्ग्लिंश क्लब चेल्सीले युरोपा लिग फुटबल अन्तर्गत अन्तिम १६ को पहिलो लेगमा सहज जित निकालेको छ ।
बिहिबार राति भएको खेलमा चेल्सीले युक्रेनी क्लब डाइनामो किभलाई ३-० गोल अन्तरले पराजित गरेको हो ।
घरेलु मैदानमा चेल्सीलाई जित दिलाउन पेड्रो रोड्रिगेज,विलियन र कलुम हड्सनले एक एक गोल गरे ।
पहिलो हाफको १७ औं मिनेटमा पेड्रोले गोल गर्दै चेल्सीलाई सुरुवाती अग्रता दिलाएका थिए । खेलको ६५ औं मिनेटमा विलियनले फ्रिकिकबाट गोल गर्दै चेल्सीको अग्रता २-० को बनाए । त्यसपछि खेलको ९० औं मिनेटमा हड्सनले गोल गर्दै चेल्सीलाई ३-० को जित दिलाए ।
जितसंगै चेल्सीले अन्तिम आठको यात्रा सहज बनाएको छ । क्वाटरफाइनलमा पुग्न अब चेल्सीलाई दोस्रो लेगमा बराबरी खेल्ने पुग्नेछ । यस्तै झिनो अन्तरले पराजित भएपनि चेल्सीले अर्को चरणको यात्रा गर्ने छ ।
दोस्रो लेगको खेल किभको मैदानमा हुनेछ ।
-1751597995.webp)
-1751593454.webp)
