एजेन्सी । इङ्ग्लिश प्रिमियर लिग फुटबलमा लिग लिडर लिभरपुलले फराकिलो जित निकालेको छ । बुधबार राति भएको खेलमा लिभरपुलले वाट्फोर्डलाई ५-० गोल अन्तरले परजित गरेको हो ।
घरेलु मैदानमा लिभरपुललाई जित दिलाउन साडियो माने र भिर्गिल भान डिज्कले दुई दुई गोल गरे । यस्तै डिभोक ओरिगीको नाममा एक गोल रह्यो ।
वाट्फोर्डविरुद्ध लिभरपुलले खेलको नवौं मिनेटमा मानेको गोलबाट अग्रता बनाएको थियो । २० औं मिनेटमा मानेले व्यक्तिगत दोस्रो गोल गर्दै लिभरपुललाई २-० को अग्रता दिलाए ।
पहिलो हाफमा २-० ले अघि रहेको लिभरपुलले दोस्रो हाफमा थप ३ गोल गर्यो । खेलको ६६ औं मिनेटमा ओरिगीले गोल गर्दै लिभरपुलको अगरता ३-० को बनाए ।
खेलको ७९ औं मिनेटमा डिज्कले गोल गर्दा लिभरपुलको अग्रता ४-० को बन्यो । त्यसपछि खेलको ८२ औं मिनेटमा डिज्कले व्यक्तिगत दोस्रो गोल गर्दै लिभरपुललाई ५-० को जित दिलाए ।
जितसंगै लिभरपुलले लिगमा शीर्ष स्थानको अग्रता कायम राख्न सफल भएको छ । लिभरपुलले २८ खेलबाट ६९ अंक जोडेको छ । र, लिभरपुल दोस्रो स्थानको म्यानचेस्टर सिटीभन्दा १ अंकले अघि छ । सिटीको ६८ अंक छ ।
पराजित वाट्फोर्ड ४० अंक जोडेर लिगको आठौं स्थानमा छ ।
