काठमाडौं । अभिषेक रिजालले ह्याट्रिकमा नेपालको प्रतिनिधित्व गरेको एन्फाको यू–२१ टिमले डा ता आओ अन्तराष्ट्रिय फुटबल च्याम्पियनसिपमा सानदान जित निकालेको छ ।
एलएनआईपीई रंगशालामा भएको तेस्रो खेलमा एन्फाकाे यू–२१ टिमले मनिपुरलाई ३–१ गोल अन्तरले पराजित गर्याे । नेपाली टिमको दोस्रो जितमा फेरि एक पटक म्यान अफ दि म्याच अभिषेक रिजाल नायक रहे । अघिल्लो खेलमा त्रिपुराबिरुद्ध ४ गोल गरेको उनले मनिपुरबिरुद्ध पनि ह्याट्रिक पुरा गरे ।
योसँगै उनको प्रतियोगितामा ७ गोल भएको छ । मनिपुरबिरुद्ध नेपालले सुरुवातबाट खेलमा पकड बनायो । खेलको १९ मिनेटमा पहिलो गोल गर्याे । अनिल महर्जनले मिलाएको बलमा अभिषेकले गोल गरेका थिए ।
यस्तै, खेलको दोस्रो गोल ३० औँ मिनेटमा सम्भव भयो । एरिक विष्टले मिलाएको बलमा अभिषेकले हेडिङ गोल गरे । अभिषेकले खेलको ८२ मिनेटमा ह्याट्रिक पुरा गरे । धिरज श्रेष्ठलाई मनिपुरका खेलाडिले फल गरेपछि पाएको पेनाल्टीमा उनले गोल गरे ।
प्रतियागितामा नेपालको ३ खेलबाट ६ अंक भएको छ । नेपाल आफ्नो पहिलो खेलमा मेघालयसंग ३–२ ले पराजित भएको थियो । दोस्रो खेलमा भारतको त्रिपुरा क्लबलाई ६–० ले गरेको थियो । साे खेलमा समेत अभिषेक रिजाल ह्याट्रिक गर्न सफल भएका थिए ।
समुह चरणको खेलमा अव नेपालले नागल्याण्ड र मिजोरामसंग प्रतिस्पर्धा गर्न बाँकी रहेको छ । भोली ( आइतबार) नेपालले मिजोरामको सामना गर्नेछ । समुहको शिर्ष दुई टिम दोस्रो चरण प्रवेश गर्नेछन् ।
-1751597995.webp)
