पीएसलमा सन्दीपलाई पहिलो सफलता

काठमाडौँ । पाकिस्तान सुपर लिग पीएसएलकाे डेब्यु खेलमा नेपाली राष्ट्रिय टिमका लेग स्पिनर सन्दीप लामिछाने विकेट लिन सफल भएका छन् । सन्दिप सम्मिलित टोली लाहोर क्वालेण्डर्सले आज (शुक्रबार) आफ्नो चौथो खेलमा मुल्तान सुल्तानविरुद् खेलिरहेको छ ।

क्वालेण्डर्सले टस जितेर पहिले बलिङ गर्ने निर्णय गरेपछि नवौ ओभरमा सन्दीपले आफ्नो पहिलो ओभर बलिङ गरेका थिए । उनले साे ओभरमा १७ रन खर्चदै महंगा साबित भएका थिए । आफ्नो दोश्रो ओभरमा सन्दीपले जेम्स भिन्स्लाई आउट गर्न सफल भएका छन् । लाहोरलाइ सन्दीपले पहिलो विकेट दिलाएका हुन् ।

बिग बास लिग खेलेर फर्केका उनी लाहोरको पहिलो ३ खेल गुमाएका थिए । लाहोर ३ खेलमा १ जित हात पर्दा अंक तालिकाको पुछारमा रहेको छ ।