एक्सट्रिमले सिफल मैदानमा विश्वकपको खेल देखाउने

काठमाडौं । एक्सट्रिम इनर्जी ड्रिक्सले विश्वकप क्रिकेट अन्तर्गत नेपालको खेल डिजिटल स्क्रिनमा देखाउने भएको छ ।

नेपालले आईतबार समूह चरणमा ईङ्ल्याण्डसँग खेल्दै प्रतियोगिताको सुरुआत गर्दैछ ।

नेपालमा विश्वकप क्रिकेटको प्रत्यक्ष प्रशारणका लागि मुख्य प्रायोजकको रुपमा जोडिएको एक्सट्रिमले सार्वजनीक स्थलमा समेत विश्वकपको खेल देखाउन लागेको हो ।

काठमाडौंको चाबहिलस्थित सिफल मैदानमा डिजिटल स्क्रिनमा विश्वकपको प्रत्यक्ष प्रशारण गरिने एक्सट्रिमले जनाएको छ ।

सुरुवातका एक हजार दर्शकले निशुल्क प्रवेश पाउने एक्सट्रिमले जनाएको छ । प्रत्यक्ष प्रशारण दिउँसो पौने ३ बजेबाट सुरु हुनेछ ।

काठमाडौं महानगरले सर्वसाधारणलाई निशुल्क रुपमा विश्वकपको खेल देखाउने अभियानमा एक्सट्रिम जोडिएको हो ।