एजेन्सी । म्यानचेस्टर सिटीले इन्ग्लिश एफए कप फुटबलको पाँचौ चरणमा तेस्रो डिभिजनको क्लब न्युपोर्ट काउन्टीको सामना गर्ने भएको छ ।
एफए कपको चौथो चरणको रिप्ले खेलमा न्युपोर्ट काउन्टीले मिडल्सब्रोलाई २-० ले हराउँदै सिटीसंगको भेट पक्का गरेको हो । सिटी भने यसअघि नै पाँचौ चरणमा पुगिसकेको छ ।
मंगलबार राति भएको खेलमा न्युपोर्टलाई जित दिलाउन रोबी विल्मोट र आमोन्डले एक एक गोल गरे । पहिलो हाफ गोलरहित बराबरीमा सकिएको खेलको ४७ औं मिनेटमा विल्मोटले गोल गर्दै न्युपोर्टलाई सुरुवाती अग्रता दिलाए ।
त्यसपछि खेलको ६७ औं मिनेटमा आमोन्डले गोल गर्दै न्युपोर्टलाई २-० को जित दिलाए ।
यस्तै प्रिमियर लिग क्लब वुल्भ्सले रिप्ले खेलमा श्रेवरी टाउनलाई ३-२ ले हराएर चौंथो चरणको यात्रा तय गरेको छ । अब वुल्भ्सले ब्रिस्टोल सिटीसंग खेल्नेछ ।
