काठमाडौं। युरोपको मुख्य पुरुष फुटबल लिगमा सबैभन्दा लामो समयदेखि एउटै क्लबको मुख्य प्रशिक्षक रहेका फ्रांक श्मिटले आफ्नो उल्लेखनीय करिअरमा अर्को अध्याय थपेका छन्।
अब उनी भन्छन्– ‘म विश्राम चाहन्छु।’
सोमबारको अन्तिम मिनेटमा आएको गोलले श्मिटको टोली हाइडेनहाइमलाई पुनः बुन्डेसलिगामा कायम रह्यो। एल्भर्सबर्गविरुद्धको प्रमोसन–रिलेगेसन प्लेअफमा४–३ को समग्र जित दिलाउने निर्णायक गोललियो सिएन्जाले इन्जुरी समयमा गरे।
‘मैले आफ्नो सम्पूर्ण ऊर्जा यो टोलीलाई दिएका छु। अब म पूरै खाली छु,’ श्मिटले भने, ‘भोलि मलाई कसैले फोन गर्नु पर्दैन। म सम्पर्कमा रहने छैन, म कतै बाहिर जाँदैछु। नयाँ सिजनको तयारी गर्न ऊर्जा चाहिन्छ।’
सोमबारको यो खेललाई जर्मन समर्थकले‘एल डोर्फिको’ नाम दिएका थिए। यो भनेको ‘एल क्लासिको’ (बार्सिलोना र रियल मड्रिडबीचको प्रतिस्पर्धा) जस्तो है। जर्मन शब्द ‘डोर्फ’ भनेको गाउँको मिलन हो।
हाइडेनहाइम (झन्डै ५० हजार जनसंख्या भएको सहर) र एल्भर्सबर्ग (१३ हजार जनसंख्या मात्र) दुवै क्लब क्षेत्रीय लिगबाट माथि उक्लिएका टोली हुन्। हाइडेनहाइमको लागि यो एउटासाँघुरो जित थियो।
गत सिजन हाइडेनहाइमले बुन्डेसलिगामा आठौं स्थान हासिल गर्दै युरोपा कन्फरेन्स लिगमा स्थान बनाएको थियो। तर, यस सिजन थप खेलको चापले क्लबलाई दबाबमा पार्यो।
इन्जुरी समयमा ब्राजिलियन विंगर सिएन्जाले लेफ्ट विंगबाट दौडिँदै गोल गर्दा खेल हाइडेनहाइमको पक्षमा गएको थियो। त्यो गोलसँगै समर्थकबीच खुसीको माहोल छायो।
श्मिटले सेप्टेम्बर २००७ मा हाइडेनहाइमको प्रशिक्षकको रूपमा पहिलो पटक टोली सम्हालेका थिए। त्यो बेला उनले क्षेत्रीय कप खेलमा ओलिम्पिया लाउफहाइम रिजर्भ्सविरुद्ध टिम मैदान उतारेका थिए।
त्यस समयडेभिड बेकहमले लस एन्जलस ग्यालेक्सीबाट डेब्यू गर्दै थिए।एलेक्स फर्गुसनको म्यानचेस्टर युनाइटेड इङ्ल्यान्डमा सबैभन्दा बलियो टिम थियो।
क्रिस्टियानो रोनाल्डो र लिओनल मेसीले बलोन डि’ओर जित्न बाँकी नै थियो। अहिले यी दुई खेलाडीसँग १३ बलोन डि’ओर छन्। श्मिटको हाइडेनहाइममा यो १८ वर्ष लामो यात्रालेपेप ग्वार्डिओलाको म्यानचेस्टर सिटीमा ९ वर्ष वाडिएगो सिमिओनेको एट्लेटिको मड्रिडमा १३ वर्षको कार्यकाल पनि छोटो देखिन्छ।
यद्यपि, उनीएलेक्स फर्गुसन (२६ वर्ष युनाइटेड) र आर्सेन वेङ्गर (२२ वर्ष आर्सनल)को स्तरमा भने अझै पुगिसकेका छैनन्। ७०९ खेलमा हाइडेनहाइमलाई नेतृत्व दिइसकेका श्मिटले यो सानो सहरको क्लबलाई क्षेत्रीय लिगबाट उठाउँदै बुन्डेसालिगा बायर्न म्युनिखजस्ता क्लबसँग प्रतिस्पर्धा गर्ने स्तरसम्म ल्याए। अहिलेको उचाइमा हाइडेनहाइमले युरोपा कन्फरेन्स लिगमा चेल्सीसँग प्रतिस्पर्धासमेत गरेको छ।
सानो सहर र सीमित स्रोतसाधन भएको क्लबका लागि हाइडेनहाइम एउटा प्रेरणादायी उदाहरण बनिरहेको छ। यो कुरा श्मिटको निरन्तरता र प्रतिबद्धताको नतिजा हो।
