एजेन्सी । इन्टर मिलानलाई स्तब्ध पार्दै लाजियो कोपा इटालिया फुटबलको सेमीफाइनलमा प्रवेश गरेको छ । बिहिबार राति भएको क्वाटरफाइनलमा इन्टरलाई पेनाल्टी सुटआउटमा ४-३ गोल अन्तरले हराएर लाजियो सेमिफाइनलमा पुगेको हो ।
इन्टर मिलानको घरेलु मैदानमा निर्धारित समय गोलरहित बराबरीमा सकिएपछि खेल अतिरिक्त समयमा पुगेको थियो । अतिरिक्त समयमा पनि खेल १-१ गोलको बराबरीमा सकिएपछि खेल पेनाल्टी सुट आउटमा गएको थियो ।
पेनाल्टी सुटआउटमा लाजियोका किपर थोमस स्ट्राकोशाले दुई पेनाल्टी रोकेपछि इन्टर मिलान बाहिरिएको हो । थोमसले इन्टरका राज्डा नेन्गोलन र लौटारो मार्टिनेजको प्रहार बचाएका थिए । लाजियोका रिजा दुर्मुसीले पेनाल्टीमा गोल गर्न सकेनन् ।
त्यसअघि खेलको अतिरिक्त समयमा सिरो इमोबाइलले गोल गर्दै लाजियोलाई अग्रता दिलाएका थिए । तर, माउरो इकार्डीले पेनाल्टीमा गोल गर्दै खेल बराबरीमा ल्याएका थिए ।
अतिरिक्त समयमा स्टेफेन राडूले रातो कार्ड पाएपछि लाजियो अन्तिम समय सिमित बनेको थियो ।
अब लाजियोले फाइनल प्रवेशको लागि एसी मिलानको सामना गर्ने छ ।
-1747585822.webp)
-1747576201.jpeg)
.jpg)
