काठमाडौं। जनकपुर नाइट्सले नेपाल कबड्डी लिग (एनकेएल) मा लगातार तेस्रो जित हासिल गरेको छ।
त्रिपुरेश्वरस्थित राष्ट्रिय खेलकुद परिषद (राखेप) कभर्डहलमा मंगलबार सम्पन्न खेलमा जनकपुरले विराटनगर ब्यान्डिट्सविरुद्ध ४०-३८ को रोमाञ्चक जित हासिल गरेको हो।
जितसँगै तीन खेलमा १५ अंक जोडेको जनकपुर शीर्ष स्थानमा फर्किएको छ। पहिलो हार बेहोरेको विराटनगर समान खेलबाट ११ अंकका साथ तेस्रो स्थानमा छ।
रेडबाट जनकपुरले १७ अंक प्राप्त गर्यो। तर, विराटनगरको खातामा १३ अंक रह्यो। डिफेन्सबाट जनकपुरले १४ र विराटनगरले ११ अंक जोडे। यसैगरी जनकपुरले दुई अलआउटबाट चार अंक प्राप्त गर्दा विराटनगरले दुई अंक हासिल गर्न सफल भयो।
